06:27 pm
زون 7 کا قیام جلد عمل میں لائنگے ، وزیراعلی خیبر پختونخوا کے مشیر برائے جیل خانہ جات و ممبر صوبائی اسمبلی تاج محمد خان ترند

زون 7 کا قیام جلد عمل میں لائنگے ، وزیراعلی خیبر پختونخوا کے مشیر برائے جیل خانہ جات و ممبر صوبائی اسمبلی تاج محمد خان ترند

06:27 pm

بٹگرام( مانیٹرنگ ڈیسک)  وزیراعلی کے مشیر برائے جیل خانہ جات و ممبر صوبائی اسمبلی تاج محمد خان ترند نے کہاہے  کہ زون 7 کا معاملہ جو بٹگرام کے نوجوانوں کا دیرینہ مسئلہ ہے کو جلد حل کرکے بٹگرام کے عوام کو نئی خوشخبری سنائینگے. ایم پی اے تاج محمد خان ترند نے کہا کہ بٹگرام میں صحت و تعلیم میں بہتری لانے کیلئے صوبائی حکومت سے مزید گرانٹ لینگے اور اس پر جلد کام شروع کرینگے. انھوں نے کہا کہ ڈی ایچ کیو ہسپتال بٹگرام کو اپ گریڈ کرکے کیٹیگری بی میں تبدیل کرینگے جہاں مریضوں کو دور جدید کے تقاضوں کے مطابق تمام سہولیات فراہم ہونگیں.
سیروسیاحت کے حوالے سے انھوں نے کہا بٹگرام خیبرپختونخواہ کے دیگر اضلاع کے مقابلے میں زیادہ خوبصورت ہیں لیکن یہاں سہولیات کی عدم فراہمی کی وجہ اتنی ترقی نہیں ہوئی جتنی باقی اضلاع نے کی. جس پر جلد کام شروع کرکے بٹگرام میں سیروسیاحت کو فروغ دینگے. انھوں نے کہا کہ سیاحتی مقام مچھئی سر کے علاوہ دو نئے مقامات کی پروپوزل بھی متعلقہ ڈیپارٹمنٹ کو بھجوائی ہے جس پر جلد منظوری کے بعد ٹینڈر کیا جائے گا. انھوں نے مزید کہا کہ اس سال گرمی کے سیزن میں بہت سے سیاح بٹگرام کا رخ کرینگے جس سے بٹگرام میں سیروسیاحت کو فروغ ملے گا اور مقامی لوگوں کو روزگار کے مواقع بھی ملیں گے.ایم پی اے تاج محمد خان ترند نے کہا کہ ہم بٹگرام کے عوام کی صحیح معنوں میں خدمت کرنے پر یقین رکھتے ہیں اور اس کیلئے دن رات عوام کی خدمت کررہے ہیں. انھوں نے کہا کہ ہم نے بٹگرام میں ریکارڈ ترقیاتی کام کیے اور مختلف علاقوں اور گاؤں میں کئی منصوبوں کو پایہ تکمیل تک پہنچایا اور بعض پر ابھی بھی کام جاری ہے۔.

تازہ ترین خبریں