11:46 am
سی پیک پرآپ کے جوش وجذبے سے بے متاثر ہوا ہوں،چینی سفیر کا شہبازشریف کوخط

سی پیک پرآپ کے جوش وجذبے سے بے متاثر ہوا ہوں،چینی سفیر کا شہبازشریف کوخط

11:46 am

اسلام آباد(روزنامہ اوصاف)چین کے سفیرلانگ دنگ بن نے شہبازشریف کی تعریف کرتے ہوئے کہا ہے کہ بطور وزیر اعلیٰ پنجاب سی پیک منصوبے کے لیے آپ کے جوش و جذبے سے میں بے حد متاثر ہوا ہوں،آپ چین اور اس کے عوام کے دیرینہ دوست ہیں۔پاکستان مسلم لیگ (ن) کے صدر اور قائد حزب اختلاف شہبازشریف کو پاکستان میں چین کے قونصل جنرل لانگ دنگ بن نے الوداعی خط لکھا جس میں انہوں نے کہاکہ 25 جنوری کو پاکستان میں اپنی ذمہ داریوں کی تکمیل پر سبکدوش ہو رہا ہوں اور چین واپس جا رہا ہوں،



چینی سفیر کا ایک قیدی کوخط کسی اعزاز سے کم نہیں،شہبازشریف
انہوں نے لکھا کہ آپ چین اور اس کے عوام کے دیرینہ دوست ہیں،بطور وزیر اعلیٰ پنجاب سی پیک منصوبے کے لیے آپ کے جوش و جذبے سے میں بے حد متاثر ہوا ہوں،آپ نے متاثر کن پنجاب سپیڈ کے ساتھ سی پیک منصوبوں کی تعمیر کو عملی شکل دی۔ قونصل جنرل چین نے شہبازشریف کو لکھا کہ آپ نے پاکستان اور چین دوطرفہ دوستی کو ایک نئی مہمیز دی،پاکستان مسلم لیگ (ن) حکومت میں ہو یا اپوزیشن میں، وہ ہمیشہ کیمونسٹ پارٹی چین کی دوست رہی ہے۔انہوں نے کہاکہ مجھے امید ہے کہ آپ قومی اسمبلی میں قائد حزب اختلاف کے طور پر دونوں جماعتوں، دونوں ممالک اور دونوں اقوام کے درمیان دوستی کے فروغ کے لیے ہمیشہ کی طرح اپنا کردار ادا کرتے رہیں گے ۔چین کے قونصل جنرل نے شہباز شریف کے لئے صحت وشادمانی اور کامیابی کے جذبات کا اظہاربھی کیا۔

تازہ ترین خبریں