میڈیا سے گفتگو کرتے ہوئے فردوس عاشق اعوان نے کہاکہ یونیورسل ہیلتھ پروگرام امیر اور غریب کے درمیان فرق ختم کردے گا اور غریبوں کو بھی عمدہ اور بہترین سہولیات فراہم ہوں گی ۔انہوں نے کہاکہ پنجاب کے ہسپتالوں میں پہلے صحت کی سہولیات کا بڑی حد تک فقدان تھا اور غریب کو کوئی پوچھتا بھی نہیں تھا لیکن جب سے پی ٹی آئی حکومت آئی ہے اس نے ہسپتالوں کا نظام بہتر کیا اور غریبوں کو صحت کی سہولیات ہسپتالوں کے اندر اور ان کی گھر کی دہلیز پر پہنچانے کا کام شروع کیا ۔انہوں نے کہاکہ حکومت پنجاب نے 14ارب روپے کورونا وائرس سے نمٹنے اور عوام کے علاج پر خرچ کیے ۔انہوں نے کہا کہ ہمیں اپنے ہیلتھ کیئر ورکرز ،ڈاکٹرز اور کورونا سے لڑنے والے طبی عملے پر فخر ہے جو اب بھی کورونا کیخلاف جنگ لڑ رہے ہیں۔جبکہ وزیراعلی نے دس ارب روپے ہسپتال کے سٹرکچر کو ٹھیک کرنے کیلئے ریلیز کیا ہے جس سے ہسپتالوں کی حالت زار مزید بہتر ہو گی ۔حکومت پنجاب نے یونسیف کیساتھ ملکر ایک کروڑ تیرانوے لاکھ بچوں کو ٹائیفائیڈ کو بچانے کے لئے لائی ہے جبکہ دوسرا ٹائیفائیڈ پی ڈی ایم کو ہوچکا ہے جس کی ویکسین ہم جلد متعارف کرانے جارہی ہے وہ ویکسین شو آف ہینڈ ہے ،سینیٹ کے انتخابات میں جو ہمیں ضمیرفروشی کی منڈیاں لگانی پڑتی تھیں اب وزیراعظم عمران خان نے ان منڈیوں کو ختم کرنے کے لئے شو آف ہینڈ کے تحت کرانے کا کہا ہے اور وزیراعظم سینیٹ انتخابات کو صاف وشفاف بنانے کیلئے شوآف ہینڈ کی ویکسین بنارہے ہیں ۔