01:23 pm
ٹرانسپرنسی رپورٹ :وزیراعظم نے وفاقی وزراکو طلب کرلیا

ٹرانسپرنسی رپورٹ :وزیراعظم نے وفاقی وزراکو طلب کرلیا

01:23 pm

اسلام آباد(روزنامہ اوصاف)ٹرانسپرنسی انٹرنیشنل کی رپورٹ میںپاکستان میں کرپشن بڑھنے سے متعلق انکشاف،وزیراعظم عمران خان نے وفاقی وزرا کا اہم اجلاس طلب کرلیا۔ اجلاس میں ملکی معاشی، سیاسی صورتحال اور حکومتی بیانیہ اور ٹرانسپرنسی انٹرنیشنل کی تازہ رپورٹ سے متعلق مشاورت ہوگی۔میڈیا رپورٹس کے مطابق وزیراعظم عمران خان کی زیر صدارت اجلاس میں وفاقی وزرا اور حکومتی ترجمان شریک ہوں گے۔ وزیراعظم موجودہ سیاسی صورتحال پر گائیڈ لائنز دیں گے۔
قومی سطح کے مختلف امور پر بریفنگ دی جائے گی۔ذرائع کے مطابق اجلاس میں ٹرانسپرنسی انٹرنیشنل کی رپورٹ پر بھی بحث کی جائے گی ۔دوسری جانب راوی اربن اور آئی لینڈ منصوبہ سے متعلق اجلاس بھی بلا لیا گیا۔ وفاقی اور صوبائی وزرا اجلاس میں شریک ہوں گے۔ ورکنگ گروپس منصوبوں پر پیشرفت سے آگاہ کریں گے۔ادھر قومی رابطہ کمیٹی تعمیرات کا اجلاس بھی آج ہوگا۔ تعمیرات کے شعبہ سے متعلق امور پر مشاورت ہوگی۔

تازہ ترین خبریں