میڈیا سے گفتگو کرتے ہوئے سابق وزیراعظم شاہد خاقان عباسی نے کہاکہ قومی اسمبلی کا اسپیکر پارلیمانی کمیٹی میں جاکر بیٹھ جاتے ہیں جس سے اسپیکر قومی اسمبلی کی کارکردگی جانب دار انہ ہوگئی ہے استحقاق کمیٹی میں جو بات سامنے آئے گی اس کا بھی علم ہے،اسپیکر کی اسمبلی سےمحبت پرہمیں کوئی شک نہیں ،اسپیکر بدقسمتی سے کوئی فیصلہ کرنے میں ناکام نظر آئے،اسمبلی میں ایک وزیر افضل کھوکھر پر مسلسل الزامات لگاتے رہے،ایوان میں آج اہم معاملات پر بات نہیں ہوسکی، جس پر افسوس ہے،شاہد خاقان عباسی نے کہاکہ آج اسمبلی میں بجلی کی قیمتوں میں اضافے کےمعاملے پر بات کرنی تھی،ایوان چلتا ہے نہ ہی روایات کاکچھ کسی کو پتہ ہے، منتخب نمائندے آج عوام سے سڑکوں پر بات کرتے ہیں۔انہوں نے کہاکہ ملک ترقی کہاں ہے؟ٹرانسپرنسی انٹرنیشنل نے حاجی عمران خان نیازی کی کرپشن کا بھانڈہ پھوڑ دیا ہے اور آج پاکستان میں سب سے زیادہ کرپشن ہورہی ہے جس سے صاف ظاہر ہوتا ہے کہ آج ملک میں کرپٹ ترین حکومت ہے ۔میڈیا سے گفتگو کرتے ہوئے احسن اقبال نے کہاکہ ملک میں ایک پروجیکٹ ’’عمران خان‘‘ کے نام سے کھولا گیا تھا جومکمل ناکام ہو چکا ہے ، ملک میں بدترین کرپشن ہے اور اس کا اظہار عالمی ادارے بھی کررہے ہیں اور اگر اس حکومت کو پانچ سو سال بھی دے دیئے جائیں تو نااہل اور نالائق حکمران ملک و قوم کو کچھ فائدہ نہیں دے سکیں گے ۔انہوں نے کہاکہ موجودہ حکومت ملک کے لئے خطرہ بن چکی ہے ، ملک دیوالیہ ہورہا ہے ، ملکی معیشت تباہ و بربادی کے دہانے پر چلی گئی ہے ، عوام دو وقت کی روٹی کے لئے ترس رہے ہیں ، مہنگائی اور بے روزگاری کی وجہ سے لوگ خود کشیا ں کررہے ہیں ۔انہوں نے کہاکہ میڈیا پر یہ تاثر دیا جارہا ہے کہ عمران خان کیخلاف باقی سب چور ہیں اور حب الوطنی کے تمام جملہ حقوق عمران خان کے پاس ہیں باقی سب تو غدار ہیں ۔