دوسری جانب فیڈرل منسٹری ایجوکیشن نے بھی اپنا سال 2020-21 کلیندڑ جاری کردیا ہے۔وزارت تعلیم کے مطابق نیا تعلیمی سال 2 اگست سے شروع ہوگا ، گرمیوں کی تعطیلات کی مدت 2 سے 31 جولائی تک ایک ماہ کردی گئی ہے۔نوٹیفکیشن کے مطابق ، پانچویں اور آٹھویں جماعتوں کے امتحانات 18 سے 31 مئی تک ہوں گے۔ اسکول ایک سے چار اور چھٹی اور ساتویں کے یکم سے 15 جون تک امتحانات منعقد کریں گے۔وزارت تعلیم کے جاری کردہ کیلنڈر کے مطابق ، پانچویں اور آٹھویں کلاس کے نتائج کا اعلان 30 جون کو کیا جائے گا ، جبکہ پہلی سے چوتھی اور ساتویں اور آٹھویں کلاسوں کے نتائج کا اعلان یکم جولائی کو کیا جائے گا۔وفاقی وزیر تعلیم نے 15 جنوری 2021 کو اعلان کیا تھا کہ ملک بھر کے تعلیمی ادارے ایک مرحلہ وار طریقے سے کھولے جائیں گے۔ انہوں نے کہا تھا کہ نویں ، دسویں ، گیارہویں اور بارہویں جماعتیں 18 جنوری کو شروع ہوں گی۔وفاقی وزیر تعلیم شفقت محمود نے بتایا کہ کلاسز جو 25 جنوری کو شروع ہونے والی تھیں اب یکم فروری سے شروع ہوں گی۔ انہوں نے کہا کہ یکم فروری سے اعلی تعلیمی ادارے بھی کھلے رہیں گے۔یاد رہے کہ کورونا وائرس کی وجہ سے پچھلے سال 15 مارچ سے تمام تعلیمی ادارے بند کردیئے گئے تھے۔چھ ماہ کی طویل بندش کے بعد ، 15 ستمبر کو تعلیمی ادارے دوبارہ کھل گئے ، لیکن وبائی امراض کی دوسری لہر کی وجہ سے 26 نومبر کو ایک بار پھر بند ہوگئے۔