11:28 am
ملک میں کووڈ19 سے بچائو کی ویکسین لگانے کا باقاعدہ آغاز

ملک میں کووڈ19 سے بچائو کی ویکسین لگانے کا باقاعدہ آغاز

11:28 am

اسلام آباد(روزنامہ اوصاف)پاکستان بھر میں کورونا وائرس سے بچائو کی ویکسین لگانے کی مہم کاباقاعدہ آغاز ہو گیا ،پہلے مرحلے میں کووڈ19کے دوران فرائض کی انجام دہی میں مصروف فرنٹ لائن ہیلتھ ورکرز کو ویکسین لگائی جائے گی ۔تفصیلات کے مطابق وفاقی وزیر ترقی و منصوبہ بندی اور نیشنل کمانڈ اینڈ آپریشن سینٹر (این سی او سی) کے سربراہ اسد عمر نے کورونا وائرس سے بچائو کی ویکسین لگانے کے حوالے سے قومی مہم کا آغاز کیا۔جہاں تمام صوبوں کے وزرائے اعلیٰ، گلگت بلتستان اور آزاد کشمیر کے وزیراعظم نے بذریعہ ویڈیو لنک تقریب میں شرکت کی، اس موقع پر تمام صوبوں میں بھی متعلقہ مقامات پر ویکسین لگانے کا عمل شروع کیا گیا۔
 
تقریب کا آغاز کرتے ہوئے وفاقی وزیر اسد عمر نے تمام صوبوں کے وزرائے اعلیٰ اور وزیراعظم آزاد کشمیر کا شکریہ ادا کیا اور کہا کہ تقریب اس بات کا مظہر ہے کہ جب بھی ملک پر مشکل وقت آتا ہے تو تمام پاکستانی اپنے سیاسی ودیگر اختلافات کو بالائے طاق رکھ کر متحد ہو جاتے ہیں ۔انہوں نے کہاکہ کورونا کی صورتحال کے بعد پاکستان کی حکمت عملی بہترین رہی اور وزارت صحت نے وبا سے نمٹنے میں کلیدی کردار ادا کیا امید ہے کہ ویکسی نیشن سے تمام پاکستانی پوری طرح مستفید ہوں گے ہمارے اصل ہیرو ہیلتھ ورکرز ہیں جنہوں نے اپنی جانیں خطرے میں ڈال کر عوام کی خدمت کی ۔چین نے بھی مشکل صورتحال میں پاکستان کی مدد کی اور اایک بہترین دوست ہونے کا ثبوت دیا جس پر چینی حکومت اور عوام کے مشکور ہیں ۔ وفاقی وزیر اسد عمر نے کہا کہ میں چاروں صوبوں کے وزرائے اعلیٰ مراد علی شاہ ،جام کمال خان ،سردار عثمان بزدار محمود خان اور آزاد کشمیر کے وزیراعظم راجہ فاروق حیدر خان کا شکریہ ادا کرنا چاہتا ہوں اور یہ تقریب اس کا مظہر ہے کہ ملک پر جب مشکل وقت آتا ہے تو تمام پاکستانی ملک کر کام کرتے ہیں۔انہوں نے کہاکہ اللہ نے پاکستان پر بہت کرم کیا اور کورونا وبا کیخلاف ہمیں محفوظ رکھا اور عوام نے بھی حفاظتی تدابیر اختیار کرکے ریاست کیساتھ بھرپور تعاون کیا جس پر عوام کا بھی شکر گزار ہوں ۔اسد عمر نے سابق مشیر صحت ڈاکٹر ظفرمرزا کا بھی شکریہ ادا کیا ، انہوں نے بھی کورونا کی پہلی لہر کے دوران ملک و قوم کی بہت خدمت کی۔معاون خصوصی صحت ڈاکٹر فیصل سلطان نے تقریب سے خطاب کرتے ہوئے کہا کہ چین نے پاکستان کو پانچ لاکھ ویکسین کا تحفہ دیا اور آج سے ملک بھر میں کورونا ویکسی نیشن مہم کا اغاز ہو گیا ہے چین سے آنیوالی ویکسین کی افادیت79 سے86فیصد ہے سائنوفارم بہت اچھی اور مفید ویکسین ہے ،انہوں نے کہاکہ تمام یونٹس میں ہیلتھ ورکرز کو ترجیح جاری ہے اور پہلے مرحلے میں ہیلتھ ورکرز کو یہ ویکسین لگائی جائے گی ۔انہوں نے کہاکہ سائنوفارم ویکسین سے ہیلتھ کیئر ورکرزکو تحفظ ملےگا، بائیس کروڑ آباد میں سے 10کروڑ لوگوں کو ویکسین لگ سکتی ہے اور کوشش ہے کہ اس کے آخر تک 70فیصد لوگوں تک یہ ویکسین پہنچائیں گے ۔انہوں نے کہاکہ دنیابھر میں  ویکسین  18سال سے اوپر کے افراد کولگائی جاتی ہے۔چین، ہنگری ، مصر سمیت بہت سے ممالک میں یہی ویکسین کورونا سے بچائو کیلئے استعمال کی گئی ۔وزیراعلیٰ سندھ نے تقریب سے بذریعہ ویڈیو لنک خطاب کرتے ہوئے کہا کہ چین نے ہمیں کورونا ویکسین کی پانچ لاکھ خوراکیں دی اور چینی بھائیوں کا شکر گزار ہوں جنہوں نے مشکل وقت میں ہمارا ساتھ دیا اور ہمیشہ کی طرح اس بار بھی ہمیں تنہا نہیں چھوڑا۔انہوں نے کہاکہ کورونا وائرس کا معاملہ سنجیدہ ہے یہ کوئی مذاق نہیں ،وفاق کی جانب سے 83ہزار ویکسین سندھ کو پہنچی ہیں ،حیدر آباد اور دیگر شہروں میں ویکسین سنٹرز بنا دیئے ہیں جہاں پر شہریوں کو مفت ویکسین لگائی جائے گی ۔ویکسنیشن کے آغاز کے موقع صوبائی وزیر صحت کا کہنا تھا کہ ہمارے پاس فرنٹ لائن ورکرز کے لیے 83 ہزار خوراکیں آئی ہیں اور آج سے یہ مہم شروع کر رہے ہیں جبکہ کراچی کے تمام اضلاع سمیت جامشورو اور بینظیر آباد میں بھی سینٹر کھولے گئے ہیں۔انہوں نے کہا کہ ہماری کوشش ہے کہ رواں ماہ کے آخر یا مار چ کے اوائل تک تمام ورکرز کو ویکسین فراہم کردی جائے جس کے بعد 60 سال سے بڑے بزرگوں کو دوسرے مرحلے میں ویکسین فراہم کی جائے گی۔ڈاکٹر عذرا فضل پیچوہو کا کہنا تھا کہ اس کے بعد دیگر جوان لوگوں کو ویکسین فراہم کی جائے گی تاہم میری گزارش ہے کہ جب تک 80 سے 90 فیصد لوگوں کو ویکسین نہیں لگ جاتی آپ ماسک نہیں اتاریے گا۔بات کو آگے بڑھاتے ہوئے انہوں نے کہا کہ میں تمام لوگوں سے درخواست کرتی ہوں کہ وہ ویکسین لگائیں کیونکہ یہ ایک قومی فریضہ ہے۔



 

تازہ ترین خبریں

اسلام آباد ہائیکورٹ کیجانب سے عمران خان کی نااہلی کے خلاف جلد سماعت کی متفرق درخواست منظور

اسلام آباد ہائیکورٹ کیجانب سے عمران خان کی نااہلی کے خلاف جلد سماعت کی متفرق درخواست منظور

پی ٹی آئی کو چھیڑنا مہنگا پڑا ۔۔۔مولانافضل الرحما ن کو بڑادھچکا دے دیا گیا

پی ٹی آئی کو چھیڑنا مہنگا پڑا ۔۔۔مولانافضل الرحما ن کو بڑادھچکا دے دیا گیا

خواتین کو 14 سیکنڈ سے زائد گھورنا جرم قرار۔۔۔ قیدو جرمانہ کی سزابھی مقرر کر دی گئی

خواتین کو 14 سیکنڈ سے زائد گھورنا جرم قرار۔۔۔ قیدو جرمانہ کی سزابھی مقرر کر دی گئی

بچوں کی تو موجیں ہو گئیں ۔۔۔عدالت کیجانب سے نجی اور سرکاری اسکولوں کوہفتے میں تین دن چھٹیوں کا حکم آ گیا

بچوں کی تو موجیں ہو گئیں ۔۔۔عدالت کیجانب سے نجی اور سرکاری اسکولوں کوہفتے میں تین دن چھٹیوں کا حکم آ گیا

جج کی گاڑی روکی تو روکی کیوں۔۔۔ ؟اسی جرم کی بنا پر موٹر وے پولیس کے 2 سب انسپکٹر معطل کر دئیے گئے

جج کی گاڑی روکی تو روکی کیوں۔۔۔ ؟اسی جرم کی بنا پر موٹر وے پولیس کے 2 سب انسپکٹر معطل کر دئیے گئے

انا للہ و انا الیہ راجعون  شوبز انڈسٹری سےنہایت افسوسناک خبر ۔۔۔۔ لیجنڈری فنکارانتقال کر گئے

انا للہ و انا الیہ راجعون شوبز انڈسٹری سےنہایت افسوسناک خبر ۔۔۔۔ لیجنڈری فنکارانتقال کر گئے

پاکستان کے دو بڑے صوبوں میں گیس نا پید ہو گئی 

پاکستان کے دو بڑے صوبوں میں گیس نا پید ہو گئی 

آصف زرداری نے پہلے بھی بڑھک ماری ۔۔۔پھر چوہدری شجاعت کےپاؤں پڑکرخط لکھوایا، اور اب۔۔۔!

آصف زرداری نے پہلے بھی بڑھک ماری ۔۔۔پھر چوہدری شجاعت کےپاؤں پڑکرخط لکھوایا، اور اب۔۔۔!

بڑی  خبر۔۔۔پی ٹی آئی اور مسلم لیگ ق میں اختلافات پیدا ہو گئے

بڑی خبر۔۔۔پی ٹی آئی اور مسلم لیگ ق میں اختلافات پیدا ہو گئے

عمران خان کی گرفتار ی ۔۔۔آصف زرداری بھی میدان میں ۔۔۔ بڑابیان سامنے آگیا

عمران خان کی گرفتار ی ۔۔۔آصف زرداری بھی میدان میں ۔۔۔ بڑابیان سامنے آگیا

پولیس نےپی ٹی آئی سینیٹر اعظم سواتی کو گرفتار کر لیا۔۔۔ گرفتار کر  کے کہاں لے جایا جا رہا ہے۔۔۔؟ اہم خبر

پولیس نےپی ٹی آئی سینیٹر اعظم سواتی کو گرفتار کر لیا۔۔۔ گرفتار کر کے کہاں لے جایا جا رہا ہے۔۔۔؟ اہم خبر

اب یہ تجربہ بھی کر کے دیکھ لیتے ہیں ۔۔۔اسمبلیوں کی تحلیل روک نہ سکے تو الیکشن کرالیں گے۔۔۔ قمر زمان کائرہ نے لائحہ عمل بتا دیا

اب یہ تجربہ بھی کر کے دیکھ لیتے ہیں ۔۔۔اسمبلیوں کی تحلیل روک نہ سکے تو الیکشن کرالیں گے۔۔۔ قمر زمان کائرہ نے لائحہ عمل بتا دیا

وفاق کی جانب سے معطل سی سی پی او لاہور سپریم کورٹ سے بحال

وفاق کی جانب سے معطل سی سی پی او لاہور سپریم کورٹ سے بحال

پنڈی ٹیسٹ کا دوسرا روز: انگلینڈ کی پاکستان کیخلاف پہلی اننگز میں بیٹنگ جاری

پنڈی ٹیسٹ کا دوسرا روز: انگلینڈ کی پاکستان کیخلاف پہلی اننگز میں بیٹنگ جاری