03:25 pm
مسلم لیگ(ن) کی جنرل کونسل کا ا ہم اجلاس 27فروری کو طلب

مسلم لیگ(ن) کی جنرل کونسل کا ا ہم اجلاس 27فروری کو طلب

03:25 pm

اسلام آباد(روزنامہ اوصاف)پاکستان مسلم لیگ(ن) کی جنرل کونسل کا ا ہم اجلاس 27فروری کو طلب کرلیا گیا،مریم نواز شریف اجلاس سے خطاب کریں گی ،اجلاس میں سینیٹ انتخابات کے حوالے سے حکمت عملی پر مشاورت بھی ہوگی ۔سیکرٹری جنرل مسلم لیگ (ن) احسن اقبال کی جانب سے کاری کردہ بیان کے مطابق پاکستان مسلم لیگ (ن) کی جنرل کونسل کا اہم اجلاس 27 فروری کو طلب کرلیاگیا جوپاکستان مسلم لیگ (ن) کے چک شہزاد اسلام آباد میں سیکرٹریٹ میں منعقد ہوگا
 
اجلاس سے پاکستان مسلم لیگ(ن) کی نائب صدر مریم نواز شریف جنرل کونسل کے اجلاس سے خطاب کریں گی ۔احسن اقبال کے مطابق دوپہر ایک بجے ہونے والےجنرل کونسل کے اجلاس میں مسلم لیگ (ن) سے تعلق رکھنے والے تمام اراکین پارلیمان شرکت کریں گے ،اجلاس میں پارٹی کے تمام ٹکٹ ہولڈرز کو بھی شرکت کی ہدایت کی گئی ہے،اجلاس میں سینیٹ انتخابات کے حوالے سے حکمت عملی پر مشاورت ہوگی اوراجلاس میں سینیٹ انتخابات سے متعلق پارٹی کی حکمت عملی تیار کی جائے گی۔

تازہ ترین خبریں