اور ن لیگ کے وکیل نے بھی الیکشن کمیشن کے سامنے کہا کہ پی ٹی آئی نے دھاندلی نہیں کی اور اپوزیشن کے وکیل کی جانب سے بنیادی نکات ڈسکہ الیکشن میںسازش ، دہشت گردی اور فائرنگ کے اٹھائے گئے ۔یہ سارے قصے کہانیاں جو ن لیگی وکیل نے سنائے ہیں وہ اپنی باز گشت سنائی ہے کہ پہلے وہ کس طرح الیکشن لڑتے آئے ہیں ۔چونکہ تحریک انصاف میں صاف ستھرے لوگ شامل ہیں جو دھونس ، ف ائرنگ کرنا ، لوگوں کواٹھانا اور بیٹھنااور دھمکانا بھی تک نہیں جانتے ۔انہوں نے کہاکہ اپوزیشن جماعتوں نے ماضی میں مذکورہ تمام کام کیے اور ماضی کے الیکشن کمیشن اور آج کے الیکشن کمیشن میں عوام کو فرق صاف نظر آرہا ہے ۔ہم نے الیکشن کمیشن پر کوئی پریشر نہیں ڈالا اور نہ کوئی ہم نے ایسے بیانات دیئے ہیں جن سے الیکشن کمیشن پر کوئی حرف آئے ۔جبکہ اس کے برعکس اپوزیشن نے کس طرح ماضی میں چھانگا مانگالگایا اور الیکشن کمیشن پر دبائو ڈالتی رہی ہے اور دھاندلی اور دھونس کے علاوہ کوئی الیکشن نہیں لڑا

۔شبلی فراز نے کہاکہ اپوزیشن نے کہا تھا کہ بیس حلقوں میں ری پولنگ ہونی چاہیے اور وزیراعظم نے ان کا چیلنج قبول کرلیا اور ابھی پنترے بدلے جارہے ہیں آج کچھ اعلان کرتے ہیں اور کل خود اس کی نفی کرتے ہیں ،اب یہ کہتے ہیں کہ الیکشن پورے حلقے میں ہونا چاہیے کیونکہ یہ لوگ سمجھتے ہیں کہ جس میں یہ ہار جائیں وہاں دھاندلی ہوتی ہے اور یہ لوگ اپنی مرضی و منشا کے فیصلے چاہتے ہیں جیسے کہ ماضی میں بھی ہوا ،عدالتوں سے اگر ان کے حق میں فیصلہ آجاتا تو انصاف ہوتا تھا اور اگر ان کے خلاف فیصلہ آجاتا تھا تو یہ ججوں کو برا بھلا کہتے تھے ۔انہوں نے کہاکہ نئے پاکستان میں اس طرح کے فیصلے نہیں ہوتے جس قسم کے اپوزیشن چاہتی ہے ،وزیراعظم عمران خان کا ایمان ہے کہ اگر آپ نے ملک میں جمہوریت کو مضبوط کرنا ہے اور ملک کی فلاح اور خوشحالی چاہتے ہیں تو الیکشن کو صاف و شفاف ہونا چاہیے ۔

انہوں نے کہاکہ اپوزیشن نے سینیٹ کے الیکشن میں دھاندلی کرنے کیلئے ’’نوٹوں کی بوریاں‘‘ کھولی ہوئی ہیں تاہم ابھی سودے طے نہیں پائے اور ضمیروں کے سوداگر ممبران کو خریدنے کیلئے بوریاں کھول کر بیٹھے ہیں ، ہم سپریم کورٹ بھی گئے ، پارلیمنٹ میں بھی گئے تاکہ الیکشن صاف و شفاف ہوں مگر اپوزیشن کا رویہ منافقانہ ہے اور وہ اپنے تاریک دور کو یاد کرکے مخالفت کررہے ہیں تواس قسم کی منافقت کو ہم کامیاب نہیں ہونے دینگے اور وزیراعظم ایک چٹان کی طرح ان لوگوں کے سامنے کھڑا ہے ۔