انہوں نے کہاکہ پورے حلقے میں الیکشن دوبارہ کرایا جانا چاہیے ،ڈی ایس پی کو واپس اسی جگہ تعینات کیا جائے ۔نوشہرہ الیکشن کےحوالے سے سوال پرانہوں نے جواب دیا کہ اگر پی ٹی آئی یا کسی کو نوشہرہ الیکشن میں دھاندلی کا شبہ ہے تو وہ بے شک اس حوالے سے الیکشن کمیشن میں درخواست دے ہمیں کوئی اعتراض نہیں ہے ،الیکشن کمیشن نے جو پریس ریلیز جاری کی تھی کہ وہ تاریخی ڈاکومنٹ ہے جس میں سب کچھ واضح ہے کہ کس طرح الیکشن کمیشن کو جوتے کی نوک پر رکھا گیا اور پوری رات الیکشن کمیشن چیف سیکرٹری پنجاب ،آئی جی پنجاب اور مختلف حکام سے رابطہ کرتا رہا مگر سب کے فون بند تھے رات کو تین بجے چیف سیکرٹری نے فون اٹھایا جس کے بعد ان کا بھی فون بند ہو گیا،انہوں نے کہاکہ کہاں ہے چیف سیکرٹری ؟ کیا انہوں نے اپنے حق میں کوئی بیان دیا ؟ اگرپنجاب حکام اس میں ملوث نہیں وہ آکر الیکشن کمیشن کو بتائیں کہ ہم ملوث نہیں مگر ابھی تک کسی اعلی حکومتی عہدیدار نے کوئی بیان نہیں دیا ۔ایک اور سوال کے جواب میں انہوں نے کہاکہ ہم نے کب کہاڈسکہ میں الیکشن میں پاک فوج یا ایجنسیوں نےدھاندلی کرائی ہے ؟ وہاں پر رینجرز کی تعیناتی الیکشن کمیشن کا حق ہے وہ وہاں فوج کو تعینات کرسکتا ہے اور ہم نے کبھی اس پر اعتراض نہیں کیا اور نہ فوج پر الیکشن میں دھاندلی کا الزام لگایا ہے ۔فوج کو اگر الیکشن کمیشن ڈسکہ میں سکیورٹی کی ذمہ داری سونپتا ہے تو وہ الیکشن کمیشن کا حق ہے اور ڈیوٹی کرنا اہلکاروں کی ذمہ داری اور فرض ہے تاہم اگر ڈیوٹی سے بڑھ کر وہ کچھ کریں گے تو پھر ہم اعتراض اٹھاتے ہیں صرف ڈیوٹی اور ذمہ داری پر مسلم لیگ ن کو کوئی اعتراض نہیںیہ معاملات میڈیا کو سمجھنے چاہئیں اور ایسے سوالات نہیں کرنے چاہئیں ۔لیگی رہنمائوں نے سوال اٹھایا کہ ڈسکہ الیکشن میں جس رات پریذائیڈنگ آفیسرز کو اٹھایا گیا تو اس پر پی ٹی آئی امیدوار کو تشویش کیوں نہیں ہوئی؟ اور انہوں نے آکر میڈیا پر کوئی بیان کیوں نہیں دیا؟ جبکہ رات گئے تک ن لیگ وہاں جیتی ہوئی تھی اس کے باوجود پی ٹی آئی امیدوار نے کوئی بیان نہیں دیا ان سوالات کا جواب آپ پی ٹی آئی سے لیں ۔