بک جاتا ہے۔ خیر سینیٹ الیکشن کو لیجئے۔ پوری مسلم لیگ (ن) اس وقت یوسف رضا گیلانی کی جیت کا جشن منا رہی ہے۔ ایسا لگ رہا ہے کہ مریم اورنگزیب ، رانا ثنا اللہ ، مریم نواز،مفتاح اسماعیل،نوازشریف ،شہباز شریف یہ سب بھٹو ازم میں پرو دیے گئے ہیں۔ لیکن ٹھہریے ۔یوسف رضا گیلانی ہیں کون۔ نہیںنہیں میں شیری رحمان اور ہار والی بات نہیں کررہا ۔ کچھ اور کہنے والاہوں۔ 2011ہی کی بات ہے جب وہ وزیر اعظم تھے۔سپریم کورٹ نے انھیں سرے محل کیس میں سوئٹزرلینڈ کی حکومت کو خط لکھنے کا کہا تھاتاہم انھوںنے انکار کردیا۔اس پر نوازشریف ان کے خلاف توہین عدالت کی درخواست لکھ کر سپریم کورٹ پہنچ گئے اور سپریم کورٹ نے انھیں ایک منٹ کی علامتی سزا دے ڈالی جس کے بعد وہ وزارت عظمیٰ کے اہل نہیں رہے۔ تب احسن اقبال سمیت تمام لیگی رہنما پوسٹر اٹھائے گھومتے تھے۔سزا یافتہ وزیر اعظم نامنظور۔ نوازشریف کی پیٹھ کے پیچھے چھرا گھونپنے کی عادت پرانی ہے۔ آصف زرداری سے زیادہ یہ بات کوئی نہیں جانتا لیکن وقت اورحالات بھی کیسی کمال چیزیں ہیں۔ کیا کیا رنگ دکھادیتے ہیں۔مفادات اورمقصد ایک ہوجائیں تو کیسے زبانیں ، اصول ،نظریات سب بدل جاتے ہیں۔ لیکن یہ حیران کن نہیں ہے۔ آخر یہ چورن بکتا ہے تو بیچا جاتا ہے نا، آفرین تو اس ملک کے کروڑوں جیالوں اورشیروں پر ہے،جو کچھ سمجھتے نہیں، جنھیں کچھ یاد نہیں رہتا۔ کسی نے ایک پاکستانی سے پوچھا ، کہ تمھارے سیاستدانوں کا سب سے بڑاکمال کیا ہے۔ تواس نے جواب دیا۔ اس سے بڑھ کر کمال کیا ہوگا کہ میری ہی زبان سے جس کو گالی دلواتے ہیں ، اسی کےحق میں نعرے بھی میری ہی زبان مارتی ہے۔