گھر میں بیٹھ کر پتھر نہیں ماریں،آج عمران خان نے عدم اعتماد کے بعد پھر سے اعتماد کا ووٹ لیا ہے اس حوالے سے میں اصولی بات یہ کرنا چاہتا ہوں کہ صدر مملکت نے ایوان کا اجلاس بلایا ،آئین میں سراہت کے ساتھ کہا گیا ہے کہ اگر صدر مملکت کو یہ یقین ہو جائے کہ وزیراعظم کے پاس اکثریت موجود نہیں ہے تو ازخود اسمبلی کااجلاس بلائے گا یہاں اجلاس جعلی وزیراعظم کی سمری پر بلایا گیا اور ایسے معاملات میں سمری کا عمل دخل نہیں ہوتا ، یہ سب کچھ ایک ڈھونگ ہے جو رچایا گیا ہم نہ آج کے اجلاس کو تسلیم کرتے ہیں اور نہ ہی اعتماد کے ووٹ کو تسلیم کرتے ہیں ،انہوں نے کہاکہ ہمیں پتہ ہے کہ ساری رات ایجنسیز نے کن کن اراکین کی نگرانی کی ہے ، ہر ممبر کے دروازے کو کھٹکٹایا گیا اور ساری رات یقینی دہانی لی جاتی رہیں ،ایک ایک ممبر کو گھروں سے اٹھا کر صبح پارلیمنٹ میں لے جایا گیا یہ سب کن لوگوں نے کیا ہے ؟وہ بھی ہم جانتے ہیں ۔ہم جانتے ہیں کہ کس طریقے سے ان سے جبراً ووٹ لیا گیا ہے ۔تعجب اس بات پر ہے کہ ایک بدکار انسان نے آج پھر ریاست مدینہ کی بات کی ہے ، یہ بدکار انسان کس منہ سے مقدس ریاست کا اپنے منہ سے نام لیتا ہے ؟اور پھر عجیب بات یہ ہے کہ کبھی کہتا ہے کہ ریاست مدینہ آئیڈیل ہے ، کبھی چین اور کبھی امریکہ کا نظام تو کبھی ملک میں ایران کا نظام لانے کی بات کرتا ہے ،پہلے تو عمران خان کو معلوم ہونا چاہیے کہ یہ پاکستان ہے اور اس کا نظام آئین نے طے کیا ہے کوئی فرد واحد اس کا تعین نہیں کرسکتا۔آج پھر وہی پرانی کیسٹ چور چور اور کرپٹ کرپٹ والی چلائی گئی ، مجھے بتائیں کہ ڈی چوک پر احتجاج کرنیوالے ملازمین نے کونسی کرپشن کی تھی کیا وہ بھی ڈاکو تھے جن پر آپ نے لاٹھی چارج کیا ۔سٹیل ملازمین نے کونسی کرپشن کی تھی جنہیں نوکریوں سے نکالا گیا ۔پی آئی اے کے ملازمین کو کیوں نکالا گیا ؟ تمام شعبے اس وقت ناکارہ ہو چکے ہیں اور آج پھر آپ جھوٹ بول رہے ہیں ۔