بانی ایم کیوایم بننے کی خواہش رکھنے والے ان کا انجام بھی دیکھ لیں،جاویدلطیف کےبیان پرتحریک انصاف سینٹرل پنجاب نےاحتجاج کا اعلان کیاہے،مریم نواز لندن جانا چاہتی ہیں مگر ان کو جانے نہیں دینگے۔ان خیالات کا اظہار وفاقی وزیر اطلاعات شبلی فراز اور وفاقی وزیرسائنس و ٹیکنالوجی فواد چوہدری نے مشترکہ پریس کانفرنس کرتے ہوئے کیا ۔فواد چوہدری نے کہاکہ الیکشن میں ہارجیت ہوتی ہے،اس کا مطلب یہ نہیں کہ ریاست کیخلاف بات کریں،’’پاکستان نہ کھپے‘‘ کا نعرہ انتہائی تکلیف دہ ہے تاہم ہم ایک دوسرے کو غداری کے سرٹیفکیٹ دینے کے لیے نہیں بیٹھے،جاوید لطیف شطرنج کامہرہ ہے،اصل سوچ ان کی ہے جوبانی ایم کیوایم بننا چاہتےہیں،بانی ایم کیوایم بننے کی خواہش رکھنے والے ان کا انجام بھی دیکھ لیں،بانی ایم کیوایم اورنوازشریف بھی لندن سے واپس نہیں آسکتے،فواد چودھری نے کہاکہ مریم نوازکی درخواست ضمانت مسترد کرانے کا نیب کا اقدام قابل تحسین ہے،مریم نوازبھی لندن جانا چاہتی ہیں مگران کوجانے نہیں دیں گے۔نوازشریف اوربانی ایم کیوایم سیاسی لوگ نہیں،نوازشریف اوربانی ایم کیوایم 1985کے الیکشن کا تحفہ ہیں۔انہوں نے کہاکہ اپوزیشن لانگ مارچ منسوخ کرکے ہمارے ساتھ بیٹھے ،ملکی مفاد میں الیکشن سمیت تمام ضروری قانون سازی کیلئے ہمارے ساتھ بات کرے ،حکومت مکمل تعاون کرے گی ۔وزیراطلاعات شبلی فراز نے کہاکہ وزیراعظم نے کہاہے وبا کےدوران احتیاطی تدابیر اختیار کی جائیں،وزیراعظم نے کہا تھاکورونا کے دوران انسانی زندگیاں اور لوگوں کےروزگارکوبچانا ہے، وبا کےدوران ہماری حکمت عملی کامیاب رہی،کورونا ویکسی نیشن کی مہم منظم طریقےسےمیرٹ کی بنیاد پر چل رہی ہے،پاکستان میں کورونا کیسزبڑھ رہے ہیں،کوروناوبا کو ایک سال ہونے کوہے،کورونا کےحوالے سے وزیراعظم کی پالیسی کامیاب رہی،اب ہماری معیشت دوبارہ چل پڑی ہے،کورونا وبا کےباوجود معیشت مستحکم ہورہی ہے۔وزیراطلاعات نے کہا کہ سیاسی یتیموں کا پہلا فیزمکمل ناکام ہوا ہے اور اب یہ لانگ مارچ سمیت دیگردھمکیاں دے رہے ہیں ۔انہوں نے کہا کہ اپوزیشن کے تابوت میں آخری کیل ٹھوک دی گئی ہے اوران جماعتوں میں پھوٹ بھی پڑ چکی ہے ، جلد اس کا سیاسی جنازہ پڑھایا جائے گا۔