ایک محب وطن پاکستانی ہیں اگران کیخلاف انتقامی کارروائی کی گئی تو ہم خاموش نہیں بیٹھیں گے ،عمران خان کی طرح نہیں ہوں کہ پولیس نے گھیرا ڈالا تو دیوار پھلانگ کر بھاگ گیا ،یہ دھمکیاں کسی اور کو دینا ،میں ان دھمکیوں سے ڈرنے والی نہیں ہوں۔میڈیا سے گفتگو کرتے ہوئے انہوں نے کہاکہ اب حکمرانوں نے رونا شروع کردیا ہے اور نیب کے ذریعے میری ضمانت منسوخ کرانے کی کوششوں میں مصروف ہے ،نیب نے عدالت میں درخواست دائر کی اور کہا کہ مریم نواز
سیاسی بیانات دے رہی ہیں اوراداروں کیخلاف بیان بازی کررہی ہیں تو میں چیئرمین نیب سے پوچھتی ہوں کہ آپ کو سیاسی بیانات جانچنے کا اختیار کس نے دیا ہے ؟آپ کا کام تو کرپشن پکڑنا تھا اور جب اس میں ناکام ہوگئے ہیں تو اب سیاست میں مداخلت کررہے ہیں اورآپ نے اپنی ذمہ داریاں تبدیل کرلی ہیں ۔انہوں نے کہاکہ اس سے پہلے ایک ڈی جی آئی ایس پی آر تھے جوحکومت کے ترجمان بنتے تھے تو اسی طرح اب نیب کو کس نے حکومتی ترجمان تعینات کیا ہے ؟یہ کون ہوتے ہیں کہ سیاسی معاملات میں مداخلت کرنے والے ؟ اور کون کیا بیان دے رہا ہے اس پر نیب حکام کو کیوں تکلیف ہے ؟ اگرنیب کو اپنے دائرہ اختیار کا نہیں پتہ تو آپ کیخلاف
تو خود مقدمہ درج ہونا چاہیے ۔نیب نے اتنا بڑا جھوٹ بولا ہے کہ میں نیب میں پیش نہیں ہوئی مجھے جب بھی نیب نے بلایا ہے میں وہاں گئی اورایک دفعہ تو مجھے بلا کر نیب نے مجھے قاتلانہ حملہ کروایا اور میری گاڑی پر پتھرائو کیا اور میری گاڑی پر لیزر گن سے فائر کیا گیا اور بلٹ پروف گاڑی کی پوری سکرین کریک ہو گئی پھر بھی میں پتھر اور گولیاں کھانے کے بعد بھی نیب کے دروازے کے سامنے کھڑی رہی لیکن ان ڈرپوکوں نے دروازہ نہیں کھولا ۔پھر اپنے پیغام رساں بھیجنے شروع کردیئے کہ مریم نواز سے کہیں کہ مہربانی کرکے واپس چلی جائیں اور آج کی پیشی منسوخ ہو گئی ہے لیکن میں نے کہاکہ میں یہیں کھڑی ہوں ،جس پر نیب نے
میڈیا کو لکھ کر دیاکہ آج کی پیشی منسوخ ہو گئی ہے جب ضرورت ہوگی تو بلا لیں گے تاہم ایک سال ہو گیا ہے اب نیب نے مجھے نہیںبلایا اور اس کے بعد سے اب تک مجھے نیب کی جانب سے کوئی طلبی کا نوٹس اور سمن نہیں ملا ۔نیب حکام جھوٹ بولتے ہیں ۔حالانکہ یہ انتقام کا ادارہ بن گیا ہے تاہم پھر بھی میں پیش ہوتی ہوں تاکہ ان کو بے نقاب کرسکوں۔انہوں نے کہاکہ نیب مجھے چوہدری شوگرملز میں اگر بلا رہاہے تو اس کیس میں کہیں میرا ذکر بھی نہیں ہے تو پھر میں کیوں پیش ہوں؟انہوں نے کہاکہ جاوید لطیف محب وطن ہیں ان کی حب الوطنی پر شک نہیں کیا جاسکتا ، اس طرح انتقامی کارروائیاں کی گئیں تو مسلم لیگ(ن) خاموش نہیں رہے گی۔