ہوئے شاہد خاقان عباسی نے کہا کہ پانچ سال ہماری حکومت وفاق میں رہی ہے اور ہم نے پہلے دن سے چیلنج کیا تھا کہ کوئی بھی ہماری کرپشن دکھائے ،ٹی وی کیمرے لگائیں یا جو بھی کرنا ہے کریں اور عوام کو دکھائیں کہ کونسی کرپشن ہوئی ہے ؟ ہم ایک بار پھر عمران خان اور ا ن کے کرائے کے وزیروں کو چیلنج کرتے ہیں کہ وہ عدالتوں میں جاکر ثابت کریں کہ کہاں کرپشن ہوئی ؟۔انہوں نے کہاکہ شہبازشریف نے دس سال پنجاب کی خدمت کی ، ان کے کاموں کا بدترین دشمن بھی اعتراف کرتے ہیں ۔ان کے کاموں کی وجہ سے آج پاکستان بالخصوص پنجاب نے ترقی کی ہے ۔اپوزیشن لیڈر بنے اورابھی تین سال پورے نہیں ہوئے لیکن آدھا عرصہ انہوں نے نیب اور جیل میں گزارا ہے اس بات کا کوئی جواب دے گا کہ کس جرم میں ان کو نیب کے ریمانڈ پر دیا گیا اور جیل میں ڈالا گیا ؟شہبازشریف پر کرپشن کا ایک ڈھیلا بھی ثابت نہیں ہو سکا ۔تین سال سے لگائے جانیوالے الزامات کی حقیقت لاہور ہائیکورٹ کے فیصلے کے اندر موجود ہے ،فل بنچ نے یہ بات کہی ہے کہ نیب نے ہمارے سامنے عدالت کے اندر اعتراف کیا ہے کہ شہبازشریف نے کوئی کرپشن نہیں کی، نیب نے اعتراف کیا ہے کہ شہبازشریف نے کوئی کک بیک لیاہے ،کوئی غیرقانونی فنڈ حاصل کرکے اثاثے نہیں بنائے ۔نیب کے اعتراف کے بعد باقی کیا رہ جاتا ہے جبکہ عدالت کہتی ہے کہ الزام لگانا کافی نہیں ہے ، آپ کے 55والیم ہوں یا 5500 ہوں ان میں کچھ ہونا بھی چاہیے جب آپ ثبوت نہیں دیں گے تو ان والیم کی کوئی حیثیت نہیں ہے ۔عدالت نے یہ بھی کہاکہ جوانکم ٹیکس گوشواروں میں ڈکلیئر ہوتا ہے وہ حقیقت مانا جاتا ہے ،عدالت نے یہ بھی کہا کہ نیب نے یہ بات معلوم کرنے کی کوئی کوشش نہیں کی کہ شہبازشریف کے ذرائع آمدن کیا ہے ؟جب نیب نے ایسی کوئی کوشش نہیں کی تو ہم پر الزامات کیوں لگائے جاتے ہیں ؟