آفیشل انسٹا پیج پر ” ضرورت کے وقت ضرورت مندوں کیلئے ” کے سلوگن کے تحت ان ایمبولینسزکی تصاویرشیئرکیں جن میں مولانا طارق جمیل کو بھی دیکھا جاسکتا ہے۔پوسٹ کے کیپشن میں ضرورت مند افراد کی خدمت کیلئے ان ایمبولینسز کی خریداری میں تعاون کرنے والے تمام افراد کا شکریہ ادا کیا گیا ہے۔اس سے قبل کراچی میں ایم ٹی جے فلیگ شپ اسٹورکے افتتاح کے بعد سے مولانا طارق جمیل کو سوشل میڈیا صارفین کی شدید تنقید کا سامناکرنا پڑا تھا جس پر مولانا طارق جمیل نے یہ کاروبار شروع کرنے کی وضاحت کی تھی۔ویڈیو پیغام میں ان کا کہنا تھا کہ میرے دل میں آتا تھا کہ اللہ کوئی ایسا سلسلہ بنا دے کہ میرے پاس جو مدارس ہیں وہ اپنے پاؤں پرکھڑے ہو جائیں میں سوچتا تھا کہ یااللہ کوئی ایسی شکل بنا دے کے زکوٰۃ خرچ نہ ہو اور زکوٰۃ کے بغیر ہی مدرسہ چلے۔جب کرونا آیا تو اللہ نے میرے دل میں ڈالا کہ ہم کوئی کاروبار کریں جس کی کمائی کو ہم مدارس میں لگائیں تو میری بھی یہی نیت بنی کہ کوئی ایسا کاروبار ہو جس سے اللہ تعالیٰ بھی جزائے خیر دےاور چند دوستوں نے مل کر اس کی کوشش کی‘۔ان کا کہنا تھا کہ ہمارے بر صغیر میں علماء کا کاروبار کرنا عیب سمجھا جاتا ہے حالانکہ امام ابو حنیفہ سے بڑا کپڑوں کا تاجر کوئی نہیں تھا۔ میں نے کسی کاروباری نیت سے یا کسی کے مقابلے میں یہ کام نہیں کیا، صرف اس لیے کیا کہ اللہ کرے کہ اس سے کم از کم میرے مدارس اپنے پاؤں پر کھڑے ہو جائیں اور میرے دنیا سے جانے کے بعد بھی یہ سلسلہ چلتا رہے۔برانڈ کی لانچ کے بعد مختلف سوشل میڈیا سائٹس پر ایم ٹی جے کے لوگو کے ساتھ ایک ازار بند کی تصویر بھی وائرل ہوئی اور کہا گیا کہ اس کی قیمت 550 روپے ہے، بعد ازاں برانڈ کی جانب سے وضاحت کی گئی کہ ” ہم نہ یہ پروڈکٹ بنارہے ہیں اور نہ ہی یہ ہماری ویب سائٹ اور اسٹورز پر موجود ہیں، جولوگ اس جعلی خبر کو پھیلا رہے ہیں، انہیں رپورٹ کرنے میں ہماری مدد کریں”۔