تخمینہ 179 ارب 19 کروڑ روپے ہے، بجٹ خسارے کا تخمینہ 84.7 ارب روپے لگایا گیا ہے۔ترقیاتی بجٹ کا تخمینہ 179 ارب 19 کروڑ روپے ہےوزیرخزانہ بلوچستان نے کہا کہ جاری اسکیموں کے لئے 112 ارب 54 کروڑ روپے مختص کیے گئے ہیں اور نئی ترقیاتی اسکیموں کے لئے 76 ارب 65 کروڑ روپے مختص کیے گئے ہیں۔ شاہراہوں پر ایمرجنسی سینٹرز کا قیام عمل میں لایا جا رہا ہے، بولان میڈیکل کالج میں 2 ہاسٹلزکی تعمیرکیلئے 20 کروڑ روپے مختص کی تجویز ہے۔کورونا سے نمٹنے کیلئے 3.6 ارب روپے مختص،وزیرخزانہ کا کہنا تھا کورونا وبا سے نمٹنے کیلئے 3.6 ارب روپے مختص کرنے کی تجویز دی گئی ہے، ڈاکٹرز، طبی عملے کی رہائشگاہوں کیلئے 10 کروڑروپے مختص کیے گئے ہیں اور تمام سرکاری ہسپتالوں میں پرچی سسٹم ختم کردیا گیا ہے۔صوبائی وزیر نے کہا کہ بلوچستان کیلئے ہیلتھ کارڈ اسکیم لائی جارہی ہے، ہیلتھ کارڈ سے 18 لاکھ 75 ہزارخاندانوں کوعلاج کی سہولت ملے گی اور تمام افراد کو 10 لاکھ روپےتک مفت علاج میسرہوگا، ہیلتھ کارڈ اسکیم کیلئے 5.914 ارب روپے مختص کرنے کی تجویز ہے۔وزیرخزانہ کا کہنا تھا کہ بجٹ میں کوئی نیا ٹیکس نہیں لگایا گیا ہے، نئے مالی سال میں 5 ہزارنئی اسامیاں رکھی گئی ہیں، سرکاری ملازمین کی تنخواہوں میں 10 فیصد اضافہ کیا گیا ہے، تعلیم کیلئے 71 ارب روپےمختص کیے گئے ہیں اور صحت کیلئے 38 ارب روپے رکھے گئے ہیں جب کہ امن وامان کیلئے 52 ارب روپے رکھے گئے ہیں۔