اس کے ساتھ ساتھ ہر قسم کی سرجری/ آپریشن میں بھی کم قیمت علاج کیا جائے گا تاکہ زیادہ سے زیادہ مریضوں کو صحت کی سہولت میسر آ سکے۔ معائدے کے دوران پی آئی اے کے چیف ایگزیکٹو آفیسر ائیر مارشل ارشد ملک، رحمان میڈیکل انسٹی ٹیوٹ کے چیف ایگزیکٹو آفیسر شفیق الرحمان، محمد ریضا قاسمی، منیجنگ ڈائریکٹر سکائی ٹریولز، رحمان میڈیکل انسٹی ٹیوٹ ہیڈ آف مارکیٹنگ طراب گیلانی، رحمان میڈیکل انسٹی ٹیوٹ ہیڈ آف ڈیپارٹمنٹ طارق خان موجود تھے۔ تقریب کے دیگر شرکاء میں گورنمنٹ کے نمائندے، میڈیا اور ڈاکٹرز نے شرکت کی۔ افغانستان کے مریضوں کو بہت عرصے سے صحت کے سلسلے میں مشکلات کا سامنا تھا۔اس سلسلے میں مریضوں کو انڈیا جانا پڑتا تھا جوکہ بہت مشکل او مہنگا علاج تھا۔ اس کے ساتھ ساتھ ویزہ کی مشکلات کا سامنا بھی تھا۔ اس معائدے کے تحت، تمام مریضوں کو آسان ویزہ دیا جائے گا اور بہترین علاج کو یقینی بنایا جائے گا۔ پی آئی اے کے چیف ایگزیکٹو آفیسر ائیر مارشل ارشد ملک نے تقریب کے دوران اپنے خیالات کا اظہار کرتے ہوئے بتایاکہ پی آئی اے نے افغانستان کی فلائٹس کی تعداد 3 سے بڑھا کر 5 کر دی ہے۔اس کے ساتھ ساتھ حکومت نے ویزہ کے حصول کو بھی آسان بنا دیا ہے۔انھوں نے مزید کہا کہ رحمان میڈیکل انسٹی ٹیوٹ پشاور میں اپنی نوعیت کا منفرد اور جدید ہسپتال ہے۔افغانستان سے آنے والے مریضوں کو یہاں پر تمام طبی سہولیات کم قیمت میں میسر ہونگی۔ رحمان میڈیکل انسٹی ٹیوٹ کے چیف ایگزیکٹو آفیسر شفیق الرحمان نے اپنے خیالات کا اظہار کرتے ہوئے بتایا کہ افغانستان سے آنے والے مریضوں کے لیے یہ معائدہ ایک خوش آئند اقدام ہے۔ افغانستان پاکستان کا پڑوسی ملک ہے۔ ہم آنے والے تمام مریضوں کو ہر ممکن طبی سہولت کم سے کم وقت میں فراہم کریں گے۔ رحمان میڈیکل انسٹی ٹیوٹ 37 سے زائد خصوصی امراض کا علاج کر سکتا ہے اور ہسپتال میں 500 بیڈ ز موجود ہیں۔ مریضوں کی سہولت کے لیے آن لائن چیک اپ کی سہولت بھی دستیاب ہوگی۔ محمد ریضا قاسمی، منیجنگ ڈائریکٹر سکائی ٹریولز نے کہا کہ افغانستان کے مریضوں کی رہنمائی اور پاکستان میں علاج کی سہولت سے متعلق آگاہی کے لیے اپنی ٹیم کو تربیت فراہم کی ہے تاکہ وہ مر یضوں کی مکمل رہنمائی کر سکیں۔2016 تک پاکستان افغانستان کے مریضوں کے لیے پہلے نمبر پر رہا کیونکہ پاکستان اور افغانستان کا کلچر، زبان مشترکہ ہے اور پاکستان سے علاج انڈیا کے مقابلے میں انتہائی کم خرچ ہوتا ہے۔ معائدے کی اہم وجوہات اور افغانستان کے مریضوں کے لیے فوائد: ۔میڈیکل ٹوورزم ایک بین الاقوامی انڈسٹری بن چکی ہے ۔میڈیکل ٹوورزم سے مریضوں کو صحت کی بہترین سہولت میسر ہوگی ۔افغانستان میں ہزاروں کی تعداد میں مریضوں کو جدید طبی سہولیات درکار ہیں جو کہ افغانستان میں میسر نہیں ہیں۔ ۔افغانستان میں صحت کی سہولیات کا فقدان ابھی بھی موجود ہے ۔پاکستان میں افغانستان کے مریضوں کے لیے خصوصی سہولت میسر ہوگی، ان کو کم قیمت، بہترین طبی امداد، رہنمائی، آن لائن چیک اپ، لیبارٹری، سرجری، آپریشن وغیرہ کی تمام سہولیات کم سے کم وقت میں دی جائیں گی