پاکستان کے صوبے پنجاب کے حکیم والا گاؤں کے شہری شریف کی ایک ایسی کہانی کے بارے میں ڈاکیومنٹری تیار کی ہے، اسی حوالے سے آپ کو بتاییں گے کہ کس طرح شریف قرضوں کے بوجھ تلے پردیس گیا اور وہاں قرضوں کا بوجھ اتارنے کی کوشش میں تھا۔گاؤں دیہات کی زندگی ایک ایسی زندگی ہے جس میں چرند پرند، ہریالی، تازہ ہوا، جانوروں کی آواز اور صبح کی وہ خوبصورت کرن جو سورج کی پہلی جھلک کو مزید نکھار دیتی ہے۔ یہ سب وہ باتیں ہیں جو کہ ایک پردیسی پردیس میں بے حد محسوس کرتا ہے۔حکیم والا کا شریف 25 سال کا نوجوان ہے جو کہ اپنے والدین کا اکلوتا بیٹا ہے، جبکہ اس کی بہنیں بھی ہیں۔ شریف جس گاؤں سے تعلق رکھتا ہے وہاں کسان اذیت میں مبتلا ہیں، اس اذیت کی وجہ وہ کیڑا ہے جو کہ ان کی فصل کو تباہ کر رہا ہے۔ اس کیڑے کے خلاف امداد کی قدر مہنگی ہوتی ہے کہ کسان قرض دار ہو چکے ہیں۔ایسے میں گاؤں کی پنچائیت نے شریف کو بیرون ملک بھیجنے کا فیصلہ کیا تھا تاکہ وہ بیرون ملک جا کر کوئی کام کرے اور اس طرح ہمارے گاؤں کو قرضوں سے نجات دلائے۔ شریف اپنے گاؤں کا واحد نوجوان ہے جو کہ گاڑی چلاتا تھا، یہ گاڑی بھی گاڑی بھی گاؤں کی جانب سے دی گئی تھی، تاکہ وہ بیماروں کو اسپتال تک پہچا سکے۔پنچائیت کے فیصلے کے مطابق شریف چونکہ بجلی کا کام جانتا ہے، گاڑی چلانا بھی جانتا ہے، اس کے علاوہ باقی تمام افراد میں قابل ہے لہٰذا اسے بھیجا جائے۔ دبئی جانا آسان نہیں تھا، وہاں تک جانے کے لیے پنچائیت نے وہ واحد گاڑی بھی بیچ دی جس کے ذریعے بیماروں کو اسپتال لے جایا جاتا تھا۔پھر وہ دن آ گیا جس دن شریف دیس سے پردیس کو جا رہا تھا، اس کی آنکھوں میں والدین کی یاد، بہن کا پیار، دوستوں کی سنگت، اپنے گاؤں والوں کی امید اور ایک جوان کی حیثیت سے اس کے کندھوں پر ایک دو نہیں بلکہ پورے گاؤں کی امیدوں کا بوجھ تھا۔ اپنے وطن کو چھوڑتے وقت اگرچہ اسے دوسرے ملک جانے کی جلدی بھی تھی اور خوشی بھی۔ وہ اپنے والدین کی آخری بار ملا، والدین سے دعائیں لیں، بہن کے سر پر ہاتھ رکھا، گلی کے بچوں کو کو ٹافیاں دیں، جبکہ دوست کو اپنی گھڑی اور انگوٹھی یادگار کے طور پر دی۔پردیسی اس بات کو بخوبی سمجھ سکتے ہیں کہ جب کوئی پاکستانی پہلی بار بیرون ملک جاتا ہے تو اسے الوداع کرنے ہر کوئی آتا ہے، چاہے رشتہ دار ہوں یا ہھرپڑوسی، ہر کوئی دعاؤں کے ساتھ الوداع کرتا ہے۔شریف جب پاکستان سے دبئی گئے تو انہیں اس وقت احساس ہوا، کیونکہ وہ جس آب و ہوا میں رہ رہے تھے وہ بے حد تروتازہ اور زندہ ہوا تھی۔ مگر بڑی بڑی، پتھر سے بھری، ان بے جان عمارتوں میں کوئی درخت نہیں کھڑا تھا، جو اسے اس بات کا احساس دلائے کہ میں زندہ ماحول میں ہوں۔ کیونکہ اوور سیز پاکستانیوں کی زندگی کچھ اسی طرح ہی کہ وہ جی تو رہے ہوتے ہیں مگر دوسروں کے لیے۔شریف کا کہنا تھا کہ یہاں وہ ماحول نہیں ہے جو میرے پاکستان میں تھا، یہاں بڑی بڑی عمارتیں ہیں، درخت نہیں ہیں ہریالی نہیں ہے، گرمی شدید ہے جبکہ میرے پاکستان میں تو درخت کی ٹھنڈی چھاؤں ہوتی تھی۔ یہاں آکر سب کام خود سے کرنا پڑتا ہے۔ شریف اگرچہ دبئی کام کے حوالے سے گئے تھے مگر وہ پردیس میں دیس کو شدید یاد کر رہے تھے۔ وہ اس حد تک یاد کر رہے تھے کہ سوچ کر آنکھیں نم ہو گئی تھیں۔لیکن شاید شریف کو پردیس کی مٹی راس نہیں آئی تھی، جب ہی وہ تین ماہ بعد ہی وطن واپس آگئے تھے، شاید وہ اس حت تک طاقتور نہیں تھے کہ وطن کے بغیر رہ سکیں۔ وہ وطن کی مٹی کے بغیر رہ ہی نہیں پا رہے تھے، جب ہی وہ تین ماہ گزارنے کے بعد ہی وطن واپس آگئے۔وطن واپس آنے پر گاؤن والے جو شریف سے امید لگائے بیٹے تھے، اور گاڑی تک بیچ دی تھی اب وہ شریف کو تانے دے رہے تھے، باتیں سنا رہے تھے۔ گاؤں والوں کی خاطر شریف نے اپنی زمینیں بیچ کر گاڑی خریدنے کا فیصلہ کیا تھا۔ لیکن کپاس کی پیداوار شریف کی امیدوں کے مطابق نہیں ہوئی۔ شریف کہتا ہے کہ قرضہ ساڑھے تین لاکھ تک کا ہے جبکہ مجھے صرف 5 سے 6 ہزار روپے مل رہے ہیں۔گاؤں کے پنچائیتی سردار کہتے ہیں کہ ہم نے منع کیا تھا کہ بیرون ملک نہ جاؤ، لیکن اگر چلے گئے تو واپس کیوں آئے وہیں کسی نا کسی طرح کام کرتے۔ جب شریف کی گاڑی بیچی تو اسوقت ہم افسردہ تھے۔شریف نے پنچائیت کے تمام افراد سے معافی مانگی اور ایک بار پھر اس بات کا اعادہ کیا ہے کہ اب وہ محنت کر کے قرض اتارے گا اور گاؤں والوں کو راضی کرے گا۔