09:53 am
چیف جسٹس ہاؤس کیلئے ٹی وی خریدنےکا اشتہار جاری،اعلیٰ افسران کی مراعات ان کی تنخواہوں سے زیادہ کیوں ؟تفریح کی چیزوں کیلئے عوامی پیسہ کیوں خر

چیف جسٹس ہاؤس کیلئے ٹی وی خریدنےکا اشتہار جاری،اعلیٰ افسران کی مراعات ان کی تنخواہوں سے زیادہ کیوں ؟تفریح کی چیزوں کیلئے عوامی پیسہ کیوں خر

09:53 am


لاہور(نیوز ڈیسک)صوبہ پنجاب میں لاہور ہائی کورٹ کے چیف جسٹس کے دفتر کی جانب سے حال ہی میں اُن کی سرکاری رہائش گاہ کے لیے ایک 75 انچ کے ٹی وی کی خریداری کا اشتہار سامنے آیا۔ اشتہار میں ٹی وی کی خریداری کے لیے ٹینڈر طلب کیے گئے ہیں۔اشتہار میں بتایا گیا ہے کہ اس ٹینڈر کے لیے بولی دینے والی کمپنیوں کے لیے ضروری ہو گا کہ وہ 75 انچ ٹی وی کی کل قیمت کا تین فیصد سکیورٹی کے طور پر جمع کروائیں گے۔ تین فیصد سکیورٹی کی مد میں جمع کروائے جانے والی رقم 17550 روپے بتائی گئی ہے
۔اس حساب سے لاہور کے علاقے جی او آر 1 میں واقع ’چیف جسٹس ہاؤس کے لیے درکار پچھتر انچ ٹی وی‘ کی کل قیمت کا تخمینہ پانچ لاکھ پچاس ہزار سے زیادہ بنتا ہے۔اشتہار سامنے آنے کے بعد سوشل میڈیا پر یہ بحث کی جا رہی ہے کہ کیا سرکاری افسران کے لیے اس نوعیت کی تفریح کی اشیا کی خریداری عوام کے ٹیکس کے پیسے سے کی جانی چاہیے یا نہیں؟اس اشتہار کے بعد سوشل میڈیا پر ہی ایک خط بھی پوسٹ کیا گیا ہے۔ خط کے مندرجات میں یہ دعویٰ کیا گیا ہے کہ یہ خط لاہور کے علاقے عسکری الیون کے ایک رہائشی قیس محمد حسین نے لاہور ہائی کورٹ کے چیف جسٹس کے نام تحریر کیا ہے۔ خط میں انھوں نے چیف جسٹس سے اپیل کی ہے کہ وہ قومی خزانے سے اس ٹی وی کی قیمت ادا نہ کریں۔انھوں نے سوالیہ انداز میں پوچھا کہ ’کیا آپ سمجھتے ہیں کہ ہمارا غریب ملک اور اس کے ٹیکس ادا کرنے والے عوام اس خرچ کا بوجھ برداشت کر سکتے ہیں۔انھوں نے اپنے اندازے کے مطابق یہ بھی بتایا کہ ایک جیف جسٹس کی ماہانہ تنخواہ دس لاکھ روپے سے زیادہ ہوتی ہے اور دیگر مراعات اس کے علاوہ ہیں۔ لاہور ہائی کورٹ کی ویب سائٹ پر ججوں کی تنخواہوں کے حوالے سے جاری کردہ دستیاب معلومات کے مطابق یہ دعویٰ درست ہے۔سوشل میڈیا پر جاری بحث میں یہ سوال بھی پوچھا جاتا رہا ہے کہ خاص طور پر وہ سرکاری افسران جن کی ماہانہ تنخواہ اور مراعات کی مد میں ملنے والی رقم لاکھوں روپے میں ہے انھیں ایسی ذاتی نوعیت کی اشیا اپنی جیب سے کیوں نہیں خریدنی چاہییں؟تاہم پاکستان میں عام تاثر یہ پایا جاتا ہے کہ سرکاری ملازمین کی ماہانہ تنخواہ نجی شعبے کے مقابلے میں انتہائی کم ہوتی ہے۔ انھیں سرکاری مراعات دینے کی بھی یہی وجہ بتائی جاتی ہے۔ مگر کیا واقعی ہی ایسا ہے؟پاکستان میں سرکاری افسر کتنی تنخواہ لیتا ہے؟رواں برس پاکستان انسٹیٹیوٹ آف ڈویلپمنٹ اکنامکس یعنی پائیڈ نے ’کیش پوئر، پرکس رچ‘ کے نام سے ایک رپورٹ جاری کی جس میں بتایا گیا کہ سرکاری ملازمین میں گریڈ ایک کے ملازم کی تنخواہ 13840 روپے ہوتی ہے۔’تاہم اس میں الاؤنسز اور مراعات شامل کرنے کے بعد یہ تنخواہ تین گنا زیادہ ہو کر 43657 روپے تک پہنچ جاتی ہے۔‘ تاہم رپورٹ کے مطابق سب سے زیادہ مراعات گریڈ 20 یا اس سے اوپر کے درجے کے افسران حاصل کرتے ہیں۔مثال کے طور پر اگر گریڈ 20 کے اعلیٰ افسر کی بنیادی ماہانہ تنخواہ دیکھی جائے تو وہ 100660 روپے بنتی ہے, گریڈ 21 کی 111720 روپے اور سب سے اعلٰی درجے یعنی گریڈ 22 کی بنیادی ماہانہ تنخواہ کا تخمینہ لگ بھگ 123470 روپے بنتا ہے۔رپورٹ کے مطابق ’بظاہر یہ تنخواہ نجی شعبے میں کام کرنے والے افراد کے مقابلے میں بہت کم ہے۔‘ تاہم بی بی سی سے بات کرتے ہوئے پائیڈ کے وائس چانسلر ڈاکٹر ندیم الحق کا کہنا تھا کہ ’حقیقت میں ان کی تنخواہ نجی شعبے کے ایک فرد سے کہیں زیادہ ہو جاتی ہے جب اس میں مراعات شامل کی جائیں۔‘ڈاکٹر ندیم الحق معاشیات اور سرکاری شعبوں میں اصلاحات کے حوالے سے ماہر سمجھے جاتے ہیں اور وہ خود بھی پاکستان کے پلاننگ کمیشن میں کئی برس تک کام کر چکے ہیں۔پاکستان کی سول سروس یا بیوروکریسی میں تین اعلیٰ ترین درجوں پر کام کرنے والے افسران کو ملنے والی مراعات کے حوالے سے پائیڈ کی رپورٹ میں بتایا گیا کہ انھیں ملنے والے ماہانہ تنخواہ میں اس کا تناسب ان کے بنیادی تنخواہ کے مقابلے سے کئی گنا زیادہ ہوتا ہے۔رپورٹ کے مطابق گریڈ 20 کے افسر کی تنخواہ میں مراعات شامل کریں تو وہ 100660 سے بڑھ کر 729511 روپے تک پہنچ جاتی ہے اور ان مراعات میں الاؤنسز کے علاوہ ایک سرکاری گھر، ایک گاڑی اور طبی سہولیات شامل ہیں۔اسی طرح ’گریڈ 21 کے افسر کی تنخواہ 111720 روپے سے بڑھ کر 979594 روپے پر پہنچ جاتی ہے جبکہ گریڈ 22 کے افسر کی تنخواہ 123470 روپے سے بڑھ کر گیارہ لاکھ روپے ماہانہ تک ہو جاتی ہے۔

تازہ ترین خبریں

پاکستان کے اہم شہر میں ہسپتال میں خاتون کا انتقال، فوت ہونے والی خاتون ساتھ ایساشرمناک کام کہ دیکھ کر شیطان بھی اندھا ہو جائے

پاکستان کے اہم شہر میں ہسپتال میں خاتون کا انتقال، فوت ہونے والی خاتون ساتھ ایساشرمناک کام کہ دیکھ کر شیطان بھی اندھا ہو جائے

بختاور بھٹو اور محمود چودھری نے اپنے بیٹے کا نام کیا رکھ دیا ؟ جان کر پاکستانی ہکا بکا رہ گئے کیونکہ ۔۔۔! 

بختاور بھٹو اور محمود چودھری نے اپنے بیٹے کا نام کیا رکھ دیا ؟ جان کر پاکستانی ہکا بکا رہ گئے کیونکہ ۔۔۔! 

معجزہ ہوا کہ کرامت ، 1100 میں سے 1100 نمبر حاصل کرنے والے طلبا کی کرشماتی کامیابی کا فارمولا شفقت محمود نے بتا یا

معجزہ ہوا کہ کرامت ، 1100 میں سے 1100 نمبر حاصل کرنے والے طلبا کی کرشماتی کامیابی کا فارمولا شفقت محمود نے بتا یا

حکومت چلانا آپ کے بس کی بات نہیں  فوری استعفیٰ دیں اور گھر جائیں، وزیراعظم کو پیغام مل گیا

حکومت چلانا آپ کے بس کی بات نہیں  فوری استعفیٰ دیں اور گھر جائیں، وزیراعظم کو پیغام مل گیا

یا اللہ خیر، ڈیم میں پانی کی سطح خوفناک حد تک بلند، عوام کو ہنگامی آگاہ کر دیا گیا، کیا ہونے والا ہے؟

یا اللہ خیر، ڈیم میں پانی کی سطح خوفناک حد تک بلند، عوام کو ہنگامی آگاہ کر دیا گیا، کیا ہونے والا ہے؟

طوفانی بارشوں نے بڑی تباہی مچا دی، ہلاکتوں ہی ہلاکتوں کی اطلاعات

طوفانی بارشوں نے بڑی تباہی مچا دی، ہلاکتوں ہی ہلاکتوں کی اطلاعات

ٹی ٹونٹی ورلڈ کپ2021، پاک بھارت بڑا ٹاکرا اچانک منسوخ؟ شائقین کرکٹ کیلئے بڑاجھٹکا 

ٹی ٹونٹی ورلڈ کپ2021، پاک بھارت بڑا ٹاکرا اچانک منسوخ؟ شائقین کرکٹ کیلئے بڑاجھٹکا 

مسلم نوجوان بِل گیٹس کا داماد بن گیا، شادی اسلامی طریقہ کار کے مطابق کہاں ہوئی؟ دلچسپ تفصیلات آگئیں

مسلم نوجوان بِل گیٹس کا داماد بن گیا، شادی اسلامی طریقہ کار کے مطابق کہاں ہوئی؟ دلچسپ تفصیلات آگئیں

”انا للہ وانا الیہ راجعون! سابق وزیراعظم خالق حقیقی سے جامِلے

”انا للہ وانا الیہ راجعون! سابق وزیراعظم خالق حقیقی سے جامِلے

پاکستانیوں کیلئے خوفناک خبر ،ڈالر کی قیمت میں ایک ، دو روپے نہیں بلکہ ایک ساتھ کتنا اضافہ ہو گیا ؟  

پاکستانیوں کیلئے خوفناک خبر ،ڈالر کی قیمت میں ایک ، دو روپے نہیں بلکہ ایک ساتھ کتنا اضافہ ہو گیا ؟  

45 روپے فی لیٹر دوبارہ اضافہ ،پٹرول کی روز بڑھتی قیمت نے پاکستانیوں کو برباد کر دیا ، عوام پر ایک بار پھر مہنگائی بم گرا دیا گیا 

45 روپے فی لیٹر دوبارہ اضافہ ،پٹرول کی روز بڑھتی قیمت نے پاکستانیوں کو برباد کر دیا ، عوام پر ایک بار پھر مہنگائی بم گرا دیا گیا 

پاکستانی تاریخ کا ایک اور ریکارڈ پاش پاش، ڈالر کی قیمت میں اچانک ہوشربا اضافہ

پاکستانی تاریخ کا ایک اور ریکارڈ پاش پاش، ڈالر کی قیمت میں اچانک ہوشربا اضافہ

خبردار جو یہاں آئے تو۔۔۔ چار وزرا کی ’’جی ایچ کیو‘‘ جانے کی کوشش لیکن گیٹ نمبر 4 سے کیا جواب مِلا؟

خبردار جو یہاں آئے تو۔۔۔ چار وزرا کی ’’جی ایچ کیو‘‘ جانے کی کوشش لیکن گیٹ نمبر 4 سے کیا جواب مِلا؟

حلقہ این اے 133لاہور ضمنی الیکشن کب ہو گا؟ الیکشن کمیشن نے شیڈول جاری کر دیا

حلقہ این اے 133لاہور ضمنی الیکشن کب ہو گا؟ الیکشن کمیشن نے شیڈول جاری کر دیا