کے بعد شہر کے مختلف علاقوں میں چکی آٹا 80 سے 84 روپے فی کلو میں فروخت کیا جارہا ہے۔ چیئرمین فلورملز ایسوسی ایشن کا کہنا ہے کہ گندم کی قیمت 2700 سے تجاوز ہونے کے بعد فلور ملز مالکان پنجاب کی مارکیٹ سے گندم خرید رہے ہیں۔ چیئرمین فلورملز ایسوسی ایشن نے بتایا کہ سو کلو کے گندم کے بیگ کی قیمت 6750 روپے ہوگئی ہے، آف سیزن ہے سندھ کی فصل 20 مارچ کے بعد دستیاب ہوگی، سندھ کی فصل کے بعد گندم اور آٹے کی قیمت میں کمی آجائے گی۔ انکا کہنا تھا کہ سندھ یا کراچی میں کسی بحرانی کیفیت کا کوئی امکان نہیں ہے، شہر میں بیشتر ملوں پر 55 روپے فی کلو مل کا آٹا دستیاب ہے۔ شہر کے مختلف علاقوں میں چکی آٹا 80 سے 84 روپے فی کلو میں فروخت کیا جارہا ہے، ڈھائی نمبر آٹا 80 روپے فی کلو میں فروخت ہورہا ہے۔ دوسری جانب پنجاب فلور ملز ایسوسی ایشن کا کہنا ہے کہ پنجاب کی فلور ملوں کو سرکاری گوداموں سے ضرورت سے کم گندم دی جا رہی ہے، لاہور میں گندم کی قیمت 2500 روپے فی من ہے۔ انکا کہنا ہے کہ فلور ملوں کو 20500 ٹن گندم دی جا رہی ہے، پنجاب کی ضرورت 25000 ٹن گندم روزانہ ہے، پنجاب کی ماہانہ ضرورت 5 لاکھ میٹرک ٹن ہے، پنجاب کے گوداموں میں 19 لاکھ میٹرک ٹن گندم موجود ہے۔ ذرائع محکمہ خوراک کا کہنا ہے کہ فلور ملوں کو ضرورت کے مطابق گندم دی جا رہی ہے، فلور ملیں آٹا پشاور اور کراچی سپلائی کر رہے ہیں، سندھ میں مارچ سے نئی گندم کی سپلائی شروع ہوگی تو پنجاب پر بوجھ کم اورمارکیٹ میں آٹا سپلائی بہتر ہو جائےگی۔ انکا مزید کہنا تھا کہ پنجاب میں آئندہ 3 ماہ کے لئے 15 لاکھ میٹرک ٹن گندم کی ضرورت ہے جبکہ 19 لاکھ میٹرک ٹن کے اسٹاک موجود ہیں۔ اس کے علاوہ خیبر پختونخوا کے ڈیلر کا کہنا ہے کہ صوبے میں 80 فیصد گندم اور آٹا پنجاب سے درآمد کیا جاتاہے، 20 کلو کا تھیلا 1300 سے بڑھ کر 1450 تک جاپہنچا ہے۔ خیبر پختونخوا ڈیلر کت مطابق سپر فائن 20 کلو کا تھیلا 1400 روپے سے بڑھ کر 1500 ہوگیا، 80 کلو آٹے کی چوری 5ہزار 200 سے بڑھ کر 5ہزار 600 تک جاپہنچی ہے۔ ڈیلرز کا کہنا ہے کہ سرکاری براؤن آٹے کا 20 کلو کا تھیلا بھی مہنگا ہوگیا، 20 کلو کا تھیلا 860 روپے سے بڑھ کر 1100 روپے تک جا پہنچا، سپر فائن 20 کلو کا تھیلا 1400 روپے سے بڑھ کر 1500 ہوگیا۔