کے وکیل پر اظہار برہمی کیا ، چیف جسٹس لاہور ہائی کورٹ نے کہا کہ آپ کا اس سے کیا تعلق یہ آپ کا معاملہ نہیں ، آپ متاثرہ فریق نہیں تو کیوں درخواست دائر کی؟ جب متاثرہ فریق مطمئن ہے تو آپ نے درخواست کیوں دائر کی؟ آپ لوگوں نے عدالتوں کو مذاق بنایا ہوا ہے، جمہوریت جمہوریت، کیا ذرا سا صبر نہیں ، کیا یہ جمہوریت ہوتی ہے؟۔خیال رہے کہ نگران وزیراعلیٰ عثمان بزدار کو بطور وزیراعلیٰ عہدے پر بحال کرنے سے متعلق لاہور ہائیکورٹ میں آئینی درخواست شہری تنویر سرور نے دائر کی تھی، درخواست میں عمران خان، عثمان بزدار، حمزہ شہباز شریف اور عمر سرفراز چیمہ کو فریق بنایا گیا، درخواست میں استدعا کی گئی کہ عثمان بزدار کو بطور وزیراعلیٰ پنجاب بحال کیا جائے۔ واضح رہے کہ عثمان بزدار کے استعفے کی تکنیکی غلطی نے نیا آئینی بحران پیدا کر دیا،ایڈووکیٹ جنرل پنجاب احمد اویس نے گورنر پنجاب عمر سرفراز چیمہ کو قانونی رائے بھجوا دی ، ایڈووکیٹ جنرل پنجاب احمد اویس کی جانب سے گورنر پنجاب کو بھجوائی گئی قانونی رائے کے مطابق عثمان بزدار کا وزیر اعظم کے نام استعفیٰ ائین کے آرٹیکل 130 سب ایکشن 8 کی خلاف ورزی ہے، عثمان بزدار کے استعفے سے آرٹیکل 130 کے سب سیکشن 8کے آئینی تقاضے پورے نہیں ہوئے، وزیراعلی پنجاب عثمان بزدار نے استعفیٰ گورنر کی بجائے وزیراعظم کے نام لکھا۔قانونی رائے کے مطابق وزیراعلی کو استعفیٰ تحریری طور پر گورنر کے نام دینا تھا، عثمان بزدار نے ٹائپ شدہ استعفے میں وزیر اعظم کو مخاطب کر کے دستخط کر دیئے، عثمان بزدار نے استعفیٰ وزیراعظم کو دیا جو اس کو منظور کرنے کے مجاز نہیں تھے، یہ تمام اختیارات آئینی طور پر گورنر پنجاب کے پاس ہیں۔ بتاتے چلیں کہ وفاقی وزیر داخلہ مسلم لیگ ن کے رہنماء رانا ثنااللہ خان عثمان بزدار کے استعفے سے متعلق اس غلطی پر پہلے ہی آواز اٹھا چکے ہیں جس کے بعد 17 اپریل کو گورنر پنجاب عمر سرفراز چیمہ نے بھی ایڈووکیٹ جنرل پنجاب احمد اویس کو لکھے گئے ایک خط میں قانونی رائے مانگی ، گورنر نے ایڈوکیٹ جنرل پنجاب کی قانونی رائے کے بعد آئینی ماہرین کا اجلاس بلا لیا ، یہ رائے لی جائے گی کہ اگر استعفیٰ آئینی تقاضوں کے مطابق نہیں تو کیا عثمان بزدار اب بھی وزیر اعلی ہیں ؟ اگر استعفیٰ ہی غیر آئینی ہے تو پھر وزیر اعلی کے انتخاب کے عمل پر بھی رائے دی جائے۔