افسران کو بھی ماموں بنا گئے اور سرکاری اراضی پر قبضہ کرکے ایک ایک کنال کی کوٹھیاں بنانے والوں کو جیب گرم ہونے کے بعد کھلی چھٹی دیدی گئی جدی مکینوں نے قانونی کاروائی کے لیے تھانہ کوہسار میں درخواست دیدی ہے۔سید پور محلہ قمی والی مسجد کے متاثرہ جدی مکین قمر زمان ولد لال خان نے گفتگو کرتے ہوئے بتایا کہ ہم آبائواجداد سے یہاں سید پور کے میکن ہیں اور سی ڈی اے کی پہلی 441 گھروں کی ایوارڈ لسٹ میں موجود ہیں بدھ کے روز بارہ سے ایک بجے دوران میں گھر موجود تھا کہ دروازے پر زور دار دستک ہوئی جب میں نے دروازہ کھولا تو سی ڈی اے اور پولیس کی بھاری نفری عدالت شاہ سی ڈی اے افسر کی سرپرستی میں موجود تھی انہوں نے کہا ہم آپریشن کرکے آپ کا گھر گرانے آئے ہیں میں نے کہا کہ کوئی نوٹس نہیں دیا اس کے بغیر آپ ہم جدی مکینوں کو کیسے بے دخل کر سکتے ہیں جس پر مجھے پکڑ کر نیچے گلی میں بات چیت کے لیے گئے اسی دوران ہتھوڑوں گرینڈر مشینوں کے ذریعے گھر میں توڑ پھوڑ شروع کردی درازے اکھاڑ دیئے دیواریں توڑ دیں پانی کی ٹینکی توڑ دی اور چھٹ پر ہتھوڑوں اور گرینڈر مشینوں سے توڑ پھوڑ کرکے لاکھوں روپے کا نقصان پہنچایا گیا جب مجھے ایک گھنٹے بعد چھوڑا تو میں گھر آیا تو یہ سب تباہی موجود تھی تالے تک توڑ دیئے میں نے سامان کو چیک کیا تو میرا لائسنس یافتہ اسلحہ بارہ بور بندوق اور 30بور پستول و دیگر کچھ قیمتی سامان موجود نہ تھا جس کے خلاف تھانہ کوہسار میں درخواست دیدی ہے متاثرہ بزرگ شہری نے مزید کہا کہ سید پور میں آئے روز غیر مکین لوگ پیسے کے زور پر سرکاری اراضی پر قبضہ کرکے ایک ایک کنال کی کوٹھیاں بنا رہے ہیں ان کے خلاف کوئی کاروائی نہیں کی گئی محض جدی مکینوں کو مال بنانے کے لیے بلیک میل کیا جارہا ہے سی ڈی اے افسر ایک لاکھ سے لے پانچ لاکھ روپے لیتا ہے پھر اس کو تعمیر کی اجازت دیتے ہیں ان کے خلاف بھتہ وصولی کے مقدمات تھانہ کوہسار میں پہلے ہی درج ہیں یہ اعلی افسران کے نام استعمال کرکے یہاں لوگوں کو تنگ کرتے ہیں۔متاثرہ شہری نے چیئرمین سی ڈی اے اور ڈپٹی کمشنر سے نوٹس لینے کا مطالبہ کیا ہے۔