پر غور کیا جا رہا ہے۔نجی ٹی وی کی رپورٹ کے مطابق حکومت کے مستقبل کا فیصلہ ہو گیا۔مسلم لیگ ن کے قائد نوازشریف نے حکومت چھوڑنے کا سگنل دے دیا۔2 اہم قوانین کی منظوری کے بعد قومی اسمبلی تحلیل کرنے پر غور کیا جا رہا ہے جب کہ نیب قوانین میں ترمیم، الیکشن اصلاحات رواں سال اجلاس میں منظور کرانے کا فیصلہ کیا گیا۔رپورٹ کے مطابق نگران وزیراعظم اور چئیرمین نیب کے تقرر پر حکومت فوری مشاورت کرے گی۔اس سلسلے میں رات گئے اہم اجلاس میں موجودہ صورتحال پر تفصیلی مشاورت کی گئی۔لیگی قیادت بڑے فیصلوں کے لیے حمایت نہ ملنے پر مایوس ہے اور سیاسی استحکام اور بڑے فیصلوں کے لیے گارنٹی چاہتی ہے۔دوسری جانب تحریک انصاف کے منحرف رکن قومی اسمبلی راجہ ریاض کو اپوزیشن لیڈر نامزد کردیا گیا ۔میڈیا رپورٹس کے مطابق اسپیکر قومی اسمبلی کی جانب سے راجہ ریاض کی بطور اپوزیشن لیڈر منظوری دی گئی ہے ، اس عہدے کے لیے راجہ ریاض کی 16 اراکین نے حمایت کی جب کہ قائد حزب اختلاف کے لیے جی ڈی اے کے امیدوار غوث بخش مہر کو 3 ارکان کی حمایت حاصل ہوسکی ۔ بتاتے چلیں کہ راجہ ریاض کی جانب سے اپوزیشن لیڈر کے عہدے کے حصول کے لیے درخواست اسمبلی سیکریٹریٹ میں جمع کرائی گئی تھی ، 17 ارکان قومی اسمبلی نے اپوزیشن لیڈر کیلئے راجہ ریاض کے نام کی حمایت کی ہے اور منحرف پی ٹی آئی رکن قومی اسمبلی کی طرف سے اسمبلی سیکریٹریٹ میں جمع کرائی گئی درخواست پر 17 ارکان اسمبلی نے دستخط کیے ہیں ۔دوسری طرف پاکستان تحریک انصاف کے چیئرمین عمران خان کی طرف سے پی ٹی آئی کا نام قومی اسمبلی کے کسی کام میں استعمال نہ کیے جانے کے لیے درخواست الیکشن کمیشن میں جمع کروا دی گئی ، چیئرمین پی ٹی آئی کی طرف سے بابر اعوان نے الیکشن کمیشن میں درخواست دائر کی ہے ، جس میں موقف اپنایا گیا ہے کہ پی ٹی آئی کے نام کو قومی اسمبلی میں استعمال نہیں کیا جا سکتا کیوں کہ تحریک انصاف نے اجتماعی استعفے دئیے اور اب پارلیمنٹ کا حصہ نہیں ہیں ، اس لیے کوئی بھی رکن پارلیمانی پارٹی کا نام استعمال کرکے اپوزیشن لیڈر کا عہدہ نہیں لے سکتا جب کہ پہلے ہی منحرف اراکین کے خلاف 63 اے کی درخواست دے چکے ہیں۔