ہوگئیں، ذرائع کے مطابق عظمیٰ کاردوار کو مسلم لیگ ن میں اہم عہدہ دیئے جانے کا فیصلہ کرلیا گیا۔ جبکہ مدمقابل عظمیٰ بخاری کا مسلم لیگ ن میں مستقبل تاریخ ہونے لگا، ذرائع کے مطابق عظمیٰ کاردار ایک ایسے موقع پر نواز لیگ میں شامل ہوئی ہیں جب میڈیا کے محاذ پر ہردم متحرک رہنے والی عظمی بخاری کو مریم نواز کی وہ قربت حاصل نہیں رہی جو کچھ عرصہ پہلے تک حاصل تھی۔واضح رہے کہ کچھ عرصہ پہلے تک ہر اہم موقع پر عظمیٰ بخاری مریم نواز کے قریب نظر آتی تھیں تاہم طویل عرصے بعد ان کی وطن واپسی کے اہم ترین موقع پر عظمی بخاری کی ایک ویڈیو وائرل ہوئی ہے جس میں وہ مریم نواز کے جلسے میں جاتی ہیں اور اسٹیج کی جانب بڑھنے کی کوشش کرتی ہیں تو سکیورٹی اہلکار انہیں روک دیتے ہیں جس کے بعد وہ اپنی ساتھی خواتین کے ہمراہ وہیں پنڈال میں بیٹھ جاتی ہیں۔کیا مسلم لیگ نون میں عظمی بخاری کی جگہ لے لیں گی ؟ یہ سوال اب لیگی حلقوں میں گردش کر رہا ہے۔واضح رہے کہ مسلم لیگ لیڈیز ونگ کی جانب سے پارٹی کا دفاع کرنے والوں میں عظمی بخاری پیش پیش رہتی ہیں تاہم پیر کے روز عظمیٰ کاردار کی شمولیت کے موقع پر مریم نواز نے انہیں ویڈیو پر پارٹی کی ترجمانی کی ہدایت کردی ہے۔یاد رہے کہ ماضی میں عظمی کاردار پاکستان تحریک انصاف کی خصوصی نشستوں پر رکن صوبائی اسمبلی رہی ہیں اور پی ٹی آئی کی پنجاب حکومت کی ترجمانی بھی کرتی رہی ہیں۔ عظمی کاردار کی عمران خان کی اہلیہ اور سابق خاتون اول کے حوالے سے گفتگو پر مبنی ٹیلی فون کال لیک ہوئی تھی جس کے بعد انہیں حکومت پنجاب کی ترجمان کے عہدے سے ہٹا دیا گیا تھا جبکہ بعدازاں انہیں شوکاز نوٹس جاری کرنے کے بعد ان کی پارٹی رکنیت بھی ختم کر دی گئی تھی۔