ہے ،چین اور پاکستان دو بہترین دوست ہیں، یہ دوستی گزشتہ 75 برسوں کے دوران تمام مصائب و مشکلات اور خوشیوں کے مواقع پر مزید مضبوط ہوتی گئی، چین نے سیلابوں میں، طوفانوں میں، زلزلوں میں جنگوں اور امن میں ساتھ دیا ۔ وہ جمعرات کو وزیراعظم محمد شہباز شریف نے چین کی شراکت سے تعمیر ہونے والے کراچی نیوکلیئر پاور پلانٹ کے تیسرے یونٹ ’کے تھری ’کی افتتاحی تقریب سے خطاب کرتے تھے ۔ انہوں نے کہا کہ کے تھری نیوکلیئر پاور پلانٹ کا افتتاح کرنا میرے لیے قابل اعزاز ہے ۔وزیراعظم محمد شہباز شریف نے چین کی شراکت سے تعمیر ہونے والے کراچی نیوکلیئر پاور پلانٹ کے تیسرے یونٹ ’کے تھری ’کا افتتاح کردیا ۔منصوبے کی افتتاحی تقریب میں وفاقی وزیر توانائی انجینئر خرم دستگیر، وفاقی وزیر منصوبہ بندی و ترقی پروفیسر احسن اقبال، وزیر اعلیٰ سندھ سید مراد علی شاہ اوردیگر بھی شریک ہیں۔اس منصوبے سے ماحول دوست 1100میگاواٹ بجلی حاصل ہوگی جب کہ جوہری توانائی بجلی گھر سے مجموعی پیداوار2200میگاواٹ ہو جائے گی۔ انہوں نے آج ایک روزہ دورے پر کراچی روانہ پہنچے ہیں جہاں انہوں نے تھری پاور پلانٹ کی تختی کی نقاب کشائی کی اور پودا لگایا۔ وزیراعظم شہباز شریف نے کہا کہ سی پیک منصوبے پر نواز شریف کے دور میں دستخط ہوئے، سی پیک منصوبے سے پاکستان میں ہزاروں میگاواٹ بجلی بن رہی ہے۔ انہوں نے کہا کہ ماضی میں کچھ مشکلات سے سی پیک میں تاخیر ہوئی، پوری امید ہے پاک چین تعلقات سے سی پیک منصوبے آگے بڑھیں گے،تھر کا کوئلہ سیکڑوں برس پاکستان کی ترقی میں کردار ادا کرسکتا ہے، کوئلے سے توانائی حاصل کر کے اربوں ڈالر کی بچت کی جاسکتی ہے۔