تفصیلی گفتگو کروں گا، جیل میں قید بے گناہ افراد کی رہائی کے لیے قانونی چارہ جوئی شروع کرکے انہیں باہر لانے کی کوشش کریں گے۔ قبل ازیں لاہور ہائی کورٹ کے راولپنڈی بینچ کے جج جسٹس چوہدری عبدالعزیز نے نظربندی پٹیشن پر فیصلہ سناتے ہوئے حکم دیا کہ شاہ محمود قریشی رہائی کے 3 روز میں ڈپٹی کمشنر راولپنڈی کو بیان حلفی جمع کرانے کا حکم دیا۔ عدالتی فیصلے میں کہا گیا ہے کہ شاہ محمود قریشی آئین وقانون مطابق پرامن سیاسی سرگرمیاں،پرامن احتجاج اور خطاب کر سکیں گے جب کہ توڑ پھوڑ،جلاؤ گھیراؤ کے احتجاج سے دُور رہیں گے۔ عدالت نے سپرنٹنڈنٹ اڈیالہ جیل کو شاہ محمود قریشی کو فوری رہا کرنے کا حکم جاری کردیا۔ دوران سماعت عدالت نے لا افسر سے استفسار کیا کہ شاہ محمود قریشی نے اگر کوئی تقریر یا کسی احتجاج کو لیڈ کیا ہے تو بتائیں۔ کوئی بھی سیاسی لیڈر کسی سیاسی مجمعے میں اپنے الفاظ کو کنٹرول نہیں کرسکتا۔ شاہ محمود قریشی کے خلاف کوئی ثبوت ہے تو عدالت میں پیش کریں۔ لا افسر نے جواب دیا ہمیں 2 دن کا وقت دیا جائے۔ بعد ازاں عدالت نے نظربندی پٹیشن پر فیصلہ سناتے ہوئے شاہ محمود قریشی کو فوری رہا کرنے کا حکم جاری کردیا۔ دریں اثنا شاہ محمود قریشی کی روبکار اڈیالہ جیل پہنچ گئی۔ شاہ محمود قریشی کے وکیل بیرسٹر تیمور ملک نے تصدیق کرتے ہوئے بتایا کہ عدالت کا حکم نامہ اڈیالہ جیل انتظامیہ کے حوالے کردیا گیا ہے۔ انہوں نے کہا کہ ہائی کورٹ نے تھری ایم پی او کے تحت شاہ محمود قریشی کو گرفتار کرنے سے روکا ہے، ہم عدالتوں کا احترام کرتے ہیں ہم سے آج کوئی حلف نامہ نہیں مانگا گیا۔ وکیل نے کہا کہ طریقہ کار یہ ہوتا ہے کہ ڈی سی کو اگر مطلوب ہو تو کچھ دن بعد خود جا کر حلف نامہ دیا جاسکتا ہے، شاہ محمود قریشی کسی بھی مقدمہ میں نامزد نہیں ہیں، اب دیکھنا ہے یہ ہے کہ کیا ہوتا ہے؟