کردیا ہے۔ نئی دہلی میں پاکستانی ہائی کمیشن نے گورو ارجن دیو جی کے شہیدی دن اور جوڑ میلے میں شرکت کے لیے 8 سے 17 جون تک بھارت سے آنے والے سکھ یاتریوں کو 215 ویزے جاری کیے ہیں۔ پاکستانی ہائی کمیشن کے ناظم الامور سلمان شریف کا کہنا ہے ویزوں کا اجرا حکومت پاکستان کے 1974 کے مذہبی مقامات کے دوروں پر دوطرفہ پروٹوکول کو مکمل طور پر نافذ کرنے کے عزم کے مطابق ہے۔ ہر سال بڑی تعداد میں ہندوستانی یاتری مختلف مذہبی تہواروں کو دیکھنے کے لیے پاکستان آتے ہیں۔ پاکستانی ناظم الامور نے بھارتی یاتریوں کے لیے نیک خواہشات کا اظہار کیا۔ انہوں نے مزید کہا کہ پاکستان مقدس مذہبی مقامات کے تحفظ کے ساتھ ساتھ زائرین کو ضروری سہولتیں فراہم کرنے کے لیے پرعزم ہے۔ بھارت سے آنے والے سکھ یاتری پاکستان میں اپنے قیام کے دوران، زائرین گوردوارہ پنجہ صاحب، گوردوارہ ننکانہ صاحب اور گوردوارہ کرتارپور صاحب سمیت متعدد مقدس مقامات کی زیارت کریں گے۔ دوسری طرف سکھوں کی سب سے بڑی نمائندہ شرومنی کمیٹی اور دہلی گوردوارہ پربندھک کمیٹی نے سکھوں کے نانک شاہی کلینڈر کو جواز بناتے ہوئے اس سال بھی جوڑمیلہ منانے کے لیے یاتری پاکستان بھیجنے سے انکار کردیا ہے۔ بھارت میں گورو ارجن کا شہیدی دن 23 مئی کو منایا جاچکا ہے جبکہ پاکستان میں بسنے والی سکھ برادری نانک شاہی کلینڈر کے مطابق 16 جون کو برسی اورجوڑمیلہ منائے گی۔ پاکستان سکھ گوردوارہ پربندھک کمیٹی کے پردھان سردار امیر سنگھ کا کہنا ہے گوروارجن دیو جی کے شہیدی دن کی تین روزہ تقریبات گوردوارہ ڈیرہ صاحب لاہور میں ہوں گی،مرکزی تقریب 16 جون کوہوگی۔