کرکے خطیر زرمبادلہ حاصل ہوگا۔ میڈیا رپورٹس کے مطابق پاکستانی انیجینرز نے حیرت انگیز ٹیکنالوجی ایجاد کرلی ہے۔میڈ ان پاکستان سموک ٹریٹمنٹ پلانٹ اور ریورس انجینئرنگ ٹیکنالوجی نے کمال کردیا ۔ صنعتی فضلہ منافع بخش صنعت کاروپ دھارنے لگا۔ صنعتوں کا زہریلا دھواں اب لوگوں کو بیمار اور بد حال نہیں بلکہ آسودہ اور خوشحال کرے گا۔ نئی ٹیکنالوجی کے مطابق 100سے زائد فلٹرز میں سے گزرنے کے بعد صنعتوں کا زہریلا دھواں تازہ ہوا کا جھونکا بن جائے گا جبکہ اس میں موجود مضر اجزاء زنک ، سلفر کاربن اور میگنیشیم سفوف کی شکل میں جمع ہوں گے جنہیں برآمد کرکے قیمتی زر مبادلہ کمایا جاسکے گا۔نئی اور حیرت انگیز ایجاد سے روزگار کے وسیع مواقع بھی پیدا ہوں گے۔واضح رہے صنعتوں کا دھواں ماحولیاتی آلودگی کا سبب بنتا ہے جس سے لوگوں میں کئی بیماریاں بھی پھیلتی ہیں تاہم اب دھواں ایک اچھے مقصد کے لیے استعمال میں لانے کا فیصلہ کیا گیا ہے جس سے دھواں 100سے زائد فلٹروں سے گزر کر تازہ ہوا میں بدل جائے گا۔