03:24 am
روزانہ کینوکے جوس کا ایک گلاس آپ کو ڈاکٹر سے دور رکھے گا

روزانہ کینوکے جوس کا ایک گلاس آپ کو ڈاکٹر سے دور رکھے گا

03:24 am

ایمسٹرڈیم(مانیٹرنگ ڈیسک) کینو کے بیشتر فوائد سے بہت لوگ آگاہ ہوں گے تاہم اب سائنسدانوں نے اس کے جوس کا ایسا حیران کن فائدہ بتا دیا ہے کہ جان کر ہر کوئی اسے اپنی روزمرہ خوراک کا حصہ بنا لے گا۔ میل آن لائن کے مطابق نیدرلینڈز کے سائنسدانوں نے نئی تحقیق میں بتایا ہے کہ جو لوگ روزانہ کینو کے جوس کاایک گلاس پیتے ہیں ان کو جان لیوا سٹروک ہونے کا خطرہ ایک چوتھائی کم ہو جاتا ہے۔
اس تحقیق میں ڈُچ نیشنل انسٹیٹیوٹ فار پبلک ہیلتھ کے سائنسدانوں نے 20سے 70سال کی عمر کے 35ہزار مردوخواتین کی خوراک کے معمولات کی 15سال تک نگرانی کی او رنتائج مرتب کیے، جن میں بتایا گیاکہ تحقیق میں شامل جو مردوخواتین روزانہ کینو کا جوس پیتے تھے ان کے دماغ میں خون منجمد ہونے کے امکانات دوسروں کی نسبت 24فیصد تک کم تھے۔اس کے علاوہ بھی لوگوں کی مجموعی صحت کے لیے اس کے ایسے فوائد آئے کہ ڈاکٹروں نے تحقیقاتی رپورٹ میں یہ لکھنے پر مجبور ہو گئے کہ جو لوگ روزانہ ایک گلاس کینو کا جوس پیتے ہیں انہیں ڈاکٹر کے پاس جانے کی کبھی ضرورت پیش نہیں آتی۔