01:53 pm
دفعہ 144کا نفاذ ۔۔پاکستان میں موبائل فون سروس بند کرنے کا فیصلہ کر لیا گیا

دفعہ 144کا نفاذ ۔۔پاکستان میں موبائل فون سروس بند کرنے کا فیصلہ کر لیا گیا

01:53 pm

اسلام آباد (مانیٹرنگ ڈیسک)دفعہ 144کا نفاذ ۔۔پاکستان میں موبائل فون سروس بند کرنے کا فیصلہ کر لیا گیا ۔۔۔ نویں اور دسویں محرم کو موبائل فون سروس بند رکھنے کا فیصلہ کر لیا گیا ہے۔ تفصیلات کے مطابق محکمہ داخلہ پنجاب نے نویں اور دسویں محرم کو موبائل سروس بند کرنے کا فیصلہ کرلیا ہے۔ جبکہ دفعہ 144 کے تحت صوبہ بھر میں ڈبل سواری پر بھی پابندی عائد کی جائے گی۔
میڈیا رپورٹ کے مطابق محرم الحرام کے لیے پنجاب کے 12 اضلاع حساس قرار دیے گئے ہیں۔ محکمہ داخلہ نے اس حوالے سے سکیورٹی اداروں کو بھی آگاہ کر دیا ہے۔ تاہم 26 اضلاع میں پاک فوج جبکہ 8 اضلاع میں رینجرز تعینات کرنے پر غور کیا جا رہا ہے۔ لاہور الیکٹرک سپلائی کمپنی (لیسکو) نے نویں اور دسویں محرم کو بجلی کی لوڈشیڈنگ نہ کرنے کا فیصلہ بھی کیا۔ لیسکو حکام کے مطابق لیسکو ریجن میں لوڈشیڈنگ نہیں کی جائے گی۔ جبکہ محرم الحرام کی مناسبت سے مرکزی جلوس کے روٹ کے لیے اسپیشل سکواڈ بھی تشکیل دے دیا گیا ہے۔

تازہ ترین خبریں