مشکل وقت میں تالیاں بجا کر حوصلہ بڑھانے والا روبوٹ پیش
  12  جولائی  2018     |     سائنس/صحت

اسلام آباد(نیوز ڈیسک) بگ کلیپر نامی یہ مضحکہ خیز روبوٹ اس وقت انٹرنیٹ پر فنڈنگ کے مراحل سے گزر رہا ہے لیکن یہ سادہ روبوٹ مشکل وقت میں آپ کےلیے تالیاں بجا کر حوصلہ بڑھاتا ہے۔ دوسری جانب اس کی ٹماٹر نما شکل بھی لوگوں کو پسند آرہی ہے

۔تالیاں پیٹنے والے اس روبوٹ کو شاپنگ مال، اسٹور اور مصروف جگہوں کےلیے تیار کیا گیا ہے۔ اس میں موشن سینسرز لگے ہیں اور جیسے ہی کوئی اس کے قریب سے گزرتا ہے، یہ تالیاں بجاکر اس کی توجہ اپنی طرف مبذول کراتا ہے۔تاہم اس کے خوش آمدید کہنے کا انداز بہت نرالا ہے اور اسے جب ایک نمائش میں پیش کیا گیا تو لوگوں نے اسے بہت سراہا۔ سب سے پہلے اسے جاپانی ڈیزائنر ماساتو تاکاہاسی نے ایک آرٹ پروجیکٹ کے طور پر پیش کیا تھا۔ پہلے اس میں انسانوں جیسے ہاتھ بنائے گئے تھے اور اب اسے تجارتی پیمانے پر تیار کرنے کےلیے انٹرنیٹ پر کراؤڈ سورس فنڈنگ کے ذریعے چندہ جمع کیا جارہا ہے۔اسے چلانے کے بہت سارے موڈ ہیں اور حرکت محسوس کرنے والا نظام لوگوں کی آمدورفت محسوس کرکے تالی بجاتا ہے۔ اس کے علاوہ یہ میوزک کے لحاظ سے بھی اپنا فن دکھاتا ہے۔ ایک ایپ کے ذریعے اس کی پروگرامنگ کرکے اسے تبدیل بھی کیا جاسکتا ہے۔ اس کی آنکھیں کچھ اس طرح بنائی گئی ہیں کہ جیسے یہ ہمہ وقت آپ ہی کو دیکھ رہا ہے۔ تاہم بچوں نے اسے تھوڑا ڈراؤنا بھی قرار دیا ہے۔ توقع ہے کہ تالیاں پیٹنے والا یہ روبوٹ اس سال کے اختتام یا اگلے سال کی ابتداء تک فروخت کیلئے پیش کیا جائے گا۔ چھوٹا کلیپر صرف چند انچ اونچا ہوگا۔ روبوٹ یو ایس بی سے چارج اور ایپ سے کنٹرول ہوتا ہے۔


اس خبر کے بارے میں اپنی رائے دیجئے
پسند آئی
 
ٹھیک ہے
 
کوئی رائے نہیں
 
پسند ںہیں آئی
 


 سب سے زیادہ پڑھی جانے والی مقبول خبریں





  اوصاف سپیشل

آج کا مکمل اخبار پڑھیں

آج کا مکمل اخبار پڑھیں

سائنس/صحت

کالم /بلاگ


     
     
تمام اشاعت کے جملہ حقوق بحق ادارہ روزنامہ اوصاف محفوظ ہیں۔
Copyright © 2016 Daily Ausaf. All Rights Reserved