25سالہ کامیابی کا اتنا آسان سا راز،،،،شاہ ر خ خان نے ایسی بات بتادی جو نوجوان فنکاروں کو کامیابی کی بلندیوں پر پہنچا سکتی ہے
  13  فروری‬‮  2018     |      شوبز

ممبئی(مانیٹرنگ ڈیسک) بالی ووڈ کنگ شاہ رخ خان کا کہنا ہے کہ انہوں نے بالی ووڈ میں کبھی فلم تلاش نہیں کی بلکہ فلمیں خود انہیں منتخب کرتی ہیں۔حال ہی میں آٹو ایکسپو2018 میں میڈیا سے بات کرتے ہوئے بالی ووڈ کے بادشاہ شاہ رخ خان نے اپنے کام اور فلموں کے حوالے سے بات کرتے ہوئے کہا کہ ہر اداکار کا فلم کے انتخاب کا اپنا معیار ہوتا ہے لیکن میرا یہ ماننا ہے کہ فلم مجھے خود منتخب کرتی ہیں۔ شاہ رخ خان کا شمار ان خوش قسمت اداکاروں میں ہوتا ہے جنہیں کیرئیر کی ابتدا ہی سے بہترین ہدایت کار اور پروڈیوسرز کے ستھ کام کرنے کا موقع ملا اور خوش قسمتی سے ان کے حصے میں بہت کم ایسی فلمیں آئیں جو باکس پرآفس پر ناکام ہوئیں۔ تاہم اب بالی ووڈ میں 25 سال گزرجانے کے بعد شاہ رخ خان نے اپنی کامیابی کے راز سے پردہ اٹھاتے

ہوئے کہا ہے کہ میں کبھی فلمیں تلاش نہیں کرتا بلکہ اچھی فلمیں خود بہ خود مجھ تک پہنچ جاتی ہیں۔ کنگ خان کا مزید کہنا تھا کہ میں پچھلے 15 برسوں سے بطور پروڈیوسر بالی ووڈ میں اپنے فرائض انجام دے رہاہوں اور میں نے صرف ان فلموں میں کام کیا جن کے بارے میں لگا کہ مجھے ان فلموں میں کام کرنا چاہئے۔صحافیوں کی جانب سے اکشے کمار کی سماجی مسائل پر مبنی فلموں جیسے’’ٹوائلٹ، ایک پریم کتھا‘‘ اور’’پیڈمین‘‘کے حوالے سے پوچھا گیا تو شاہ رخ نے کہا کہ ہر اداکار کے فلمیں منتخب کرنے کا الگ انداز ہوتا ہے، اسے جو موضوع ٹھیک لگتا ہے وہ اسی حساب سے فلموں میں کام کرتا ہے۔ شاہ رخ کے خیال میں فلموں کے ذریعے ایک مضبوط پیغام عوام تک پہنچایا جاتا ہے لیکن اس کے باوجود شائقین کو فلم سے جوڑے رکھنے کے لیے فلم میں تفریحی عنصر ہونا بھی ضروری ہے ورنہ لوگ بور ہوجائیں گے۔


اس خبر کے بارے میں اپنی رائے دیجئے
پسند آئی
 
ٹھیک ہے
 
کوئی رائے نہیں
 
پسند ںہیں آئی
 


 سب سے زیادہ پڑھی جانے والی مقبول خبریں





  اوصاف سپیشل

آج کا مکمل اخبار پڑھیں

آج کا مکمل اخبار پڑھیں

شوبز

کالم /بلاگ


     
     
تمام اشاعت کے جملہ حقوق بحق ادارہ روزنامہ اوصاف محفوظ ہیں۔
Copyright © 2016 Daily Ausaf. All Rights Reserved