07:07 am
مہوش حیات نے تمام اداکاراؤں کو پیچھے چھوڑ دیا

مہوش حیات نے تمام اداکاراؤں کو پیچھے چھوڑ دیا

07:07 am

اسلام آباد(نیوز ڈیسک)پاکستانی اداکارہ مہوش حیات نے اپنی ہم عصر تمام اداکارؤں کو پیچھے چھوڑ دیا، وہ واحد اداکارہ ہیں جن کی فلمیں ایک کروڑ 60 روپے کما چکی ہیں۔مہوش حیات اب تک 5 پاکستانی فلموں میں کام کرچکی ہیں، یہ فلموں مجموعی طور پر اب تک 160 کروڑ روپے کا بزنس کر چکی ہیں، ان کے مقابلے میں پاکستان کی تاریخ میں کسی دوسری ہیروئن کی فلمیں اب تک 100 کروڑ کا ہندسہ بھی پار نہیں کرسکیں۔مہوش حیات کی فلم
چھلاوا عید الفطر پر نمائش کیلئے پیش کی جائے گی، فلم کا ٹریلر حال میں ریلیز کیا گیا ہے۔ انڈپینڈنٹ اردو سے بات کرتے ہوئے مہوش حیات نے کہا کہ وہ اس فلم میں اپنے کردار سے پوری طرح مطمئن ہیں۔مسلسل 5 ہٹ فلموں کے بعد دباؤ سے متعلق سوال پر ان کا کہنا تھا کہ وہ بھرپور محنت اور اپنے کام کو سنجیدگی سے لیتی ہیں۔مہوش حیات کو حکومت پاکستان کی جانب سے 23 مارچ کو تمغۂ امتیاز سے نوازا گیا تھا۔مہوش حیات اپنی گزشتہ فلم لوڈ ویڈنگ کی طرح چھلاوا میں بھی پنجاب سے تعلق رکھنے والی لڑکی کا کردار نبھا رہی ہیں، تاہم انہوں نے واضح کیا کہ دونوں کرداروں میں کافی فرق ہے۔ فلم کے آئٹم نمبر ’’چڑیا‘‘ کو انہوں نے اپنا پسندیدہ گانا قرار دیا اور بولیں کہ 5 سال بعد ایسا گانا ملا ہے جس پر میں کھل کر ناچ سکتی ہوں۔

تازہ ترین خبریں