11:01 am
مجھے ذاتی مفادات کیلئے نشانہ بنایا گیا ،میشا شفیع الزام لگا کر خود کہاں چلی گئی۔۔۔علی ظفر پھٹ پڑے،اندر کی کہانی بتادی

مجھے ذاتی مفادات کیلئے نشانہ بنایا گیا ،میشا شفیع الزام لگا کر خود کہاں چلی گئی۔۔۔علی ظفر پھٹ پڑے،اندر کی کہانی بتادی

11:01 am

لاہور (مانیٹرنگ ڈیسک)معروف گلوکار علی ظفر نے کہا ہے کہ جو حق سچ پر ہوتا ہے وہ بن بلائے بھی عدالت میں آتا ہے اور جھوٹا عدالتوں کے بلانے پر بھی نہیں آتا اور امیگریشن کیلئے کینیڈا چلا جاتا ہے ، مجھے ذاتی مفادات کے لئے ایک منصوبہ بندی کے تحت ٹارگٹ کیا گیا ،اب بھی سوشل میڈیا پر جعلی اکائونٹس کے ذریعے میرے خلاف مہم چلائی جارہی ہے ۔مقامی عدالت میں میڈیا سے گفتگو کرتے ہوئے
علی ظفر نے کہا کہ مجھے عدالت نے بلایا نہیں تھا لیکن خود عدالت میں آیا ہوں،جو حق سچ پر ہوتا ہے، وہ بن بلائے عدالت میں آتا ہے۔مجھ پر جھوٹا الزام لگایا گیا اور میری کردار کشی کر کے مجھے اور میرے خاندان کو ذہنی ، نفسیاتی اور مالی طور پر نقصان پہنچایا گیا ۔میری استدعا ہے کہ اس کیس کا جلد سے جلد فیصلہ سنایا جائے اور مجھے عدالت سے انصاف کی امید ہے ۔انہوں نے کہا کہ میرے خلاف جھوٹی مہم چلائی گئی اور اب بھی سوشل میڈیا پر جعلی اکائونٹس کے ذریعے مہم چلائی جارہی ہے جس کے لئے ایف آئی اے کو درخواست دیدی ہے ۔ انہوں نے کہا کہ میں بے گناہ ہوں ، میں نے بیس سال اپنے فن کے ذریعے لوگوں میں پیار بانٹا او رلیا ہے ۔ انہوں نے کہا کہ اللہ میشا شفیع کی نیت کوبہتر جانتا ہے لیکن مجھے ذاتی مفادات کیلئے ایک منصوبے کے تحت ہدف بنایا گیا ۔کوئی ملالہ بننا چاہتی ہے تو مجھے اس کا علم نہیں ۔وہ الزام لگا کر خود امیگریشن کیلئے کینیڈا چلی گئی ہیں ۔ایک سال سے کیس چل رہا ہے، ہمارے گواہان 8بار عدالتوں میں آ کر واپس جا چکے ہیں۔انہوں نے کہا کہ میشا شفیع کا اصل کیس مسترد ہو چکا ہے، اس کی اپیل بھی مسترد ہو چکی ہے ،یہ اب ہتک عزت کا کیس ہے جو میں نے دعوی دائر کر رکھا ہے۔

تازہ ترین خبریں