۔سلمان خان کے ساتھ فلم میں کام کرنے سے انکار کے کچھ ہفتوں بعد ہی پریانکا چوپڑا شادی کے بندھن میں بندھ گئی تھیں اور اطلاعات تھیں کہ انہوں نے شادی کی وجہ سے ہی فلم میں کام کرنے سے انکار کردیا تھا۔پریانکا چوپڑا کے انکار کے بعد ’بھارت‘ میں سلمان خان کے ساتھ کترینہ کیف کو کاسٹ کیا گیا تھا اور اب ان دونوں کی یہ فلم عیدالفطر پر ریلیز کی جائے گی۔پریانکا چوپڑا کی جانب سے عین وقت پر فلم میں کام کرنے سے انکار پر پہلے تو سلمان خان کافی عرصے تک خاموش رہےتھے، تاہم بعد میں انہوں نے کہا تھا کہ انہوں نے فلم سے زیادہ شادی کو ترجیح دی اور اب وہ بولی وڈ فلمیں بھی نہیں کرنا چاہیں گی۔سلمان خان فلم کی تشہیر کے دوران بھی پریانکا چوپڑا کی جانب سے فلم میں کام نہ کرنے کے سوال پر جواب دیتے دکھائی دیتے ہیں اور ان کے جوابات سے لگتا ہے کہ وہ تاحال ان سے ناراض ہیں۔پریانکا چوپڑا کی جانب سے شادی کو اہمیت دے کر فلم میں کام نہ کرنے پر اگرچہ کسی اور نے کوئی جواب نہیں دیا لیکن بھارتی گلوکارہ سونا مہاپترا نے کچھ دن قبل سلمان خان کو جواب دیا اور کہا کہ اداکارہ کی جانب سے شادی کرنے کا فیصلہ درست تھا۔سونا مہاپترا نے ٹوئٹر پر سلمان خان کو تنقید کا نشانہ بنایا اور کہا کہ وہ پریانکا چوپڑا سے صرف اس لیے ناراض ہیں کہ انہوں نےان کے ساتھ فلم میں کام کرنےسے زیادہ شادی کرنے کو اہمیت دی۔ٹائمز آف انڈیا کے مطابق گلوکارہ نے اپنے ٹوئٹس میں لکھا کہ ان کی نظر میں پریانکا چوپڑا نے درست کام کیا اور انہوں نے شادی جیسی اہم ذمہ داری نبھانے کے لیے فلم میں کام نہ کرکے اچھا فیصلہ کیا اور سلمان خان صرف اسی بات پر ان سے ناراض ہیں۔بھارتی گلوکارہ کی جانب سے سلمان خان کو تنقید کا نشانہ بنائے جانے کے بعد دبنگ ہیرو کے مداحوں نے گلوکارہ کو دھمکیاں دینا شروع کردیں۔سونا مہاپترا نے ٹوئٹر پر سلمان خان کے مداحوں کی جانب سے ملنے والی آن لائن دھمکیوں کے اسکرین شاٹ شیئر کیے جن میں واضح طور پر اداکارہ کو سنگین دھمکیاں دی گئی تھیں۔اداکارہ کے خلاف نامناسب زبان کا استعمال کیے جانے سمیت انہیں وارننگ دی گئی کہ اگر وہ سلمان خان کے خلاف بات کرنے سے بعض نہ آئیں تو انہیں سنگین نتائج بھگتا پڑیں گے۔گلوکارہ کو دھمکیاں دینے والے افراد کا تعلق بظاہر سلمان خان سے کوئی نہیں، تاہم بھارتی میڈیا کے مطابق سونا مہاپترا کو دھمکیاں دینے والے لوگ دبنگ ہیرو کے مداح ہیں۔دوسری جانب سونا مہاپترا کو دھمکیاں ملنے پر تاحال سلمان خان کی جانب سےکوئی بیان سامنے نہیں آیا۔