02:29 pm
بولی وڈ اسٹارز کی عید الفطر کے موقع پر اپنے مداحوں کو مبارکباد

بولی وڈ اسٹارز کی عید الفطر کے موقع پر اپنے مداحوں کو مبارکباد

02:29 pm

ممبئی (ویب ڈیسک )بولی وڈ کے مختلف اسٹارز نے عید الفطر کے موقع پر اپنے مداحوں کو مبارکباد دی اور اس تہوار کو روایتی انداز سے منایا۔مگر کارتک آریان اور سارہ علی خان نے عید کو منانے کے لیے بالکل مختلف کام کیا۔ڈائریکٹر امیتاز علی کی ایک فلم میں اکھٹے کام کرنے والی جوڑی نے عید منانے کے لیے ایک مسجد کا رخ کیا۔کارتک نے اس موقع پر سفید ٹی شرٹ پہن رکھی تھی جبکہ سارہ علی خان نے سبز لباس،
مگر دونوں نے اپنے چہرے چھپا رکھے تھے تاکہ مسجد میں مداحوں کے جوش و خروش سے بچ سکیں۔کارتک آریان نے بعد ازاں انسٹاگرام پر اپنی اور سارہ علی خان کی مسجد میں موجودگی کی تصویر شیئر کرتے ہوئے مداحوں کو عید کی مبارکباد بھی دی۔خیال رہے کہ گزشتہ سال ایک ٹی وی شو میں شرکت کے دوران سارہ علی خان نے انکشاف کیا تھا کہ وہ کارتک آریان کے ساتھ دوستی کرنے اور ان کے ساتھ ڈیٹ پر جانے کی خواہشمند ہیں۔بعد ازاں متعدد انٹرویوز میں بھی سارہ علی خان نے کارتک کے لیے اپنی پسندیدگی کا اظہار کیا اور ایک انٹرویو میں اداکارہ نے بتایا کہ ن کی والدہ امریتا سنگھ نے انہیں کارتک آریان کے لیے اپنی پسندیدگی ظاہر کرنے کے حوالے سے انوکھا مشورہ دےدیا ہے۔جب سارہ سے پوچھا گیا کہ انہوں نے کارتک کو اب تک انسٹاگرام پر پرائیویٹ پیغام کیوں نہیں بھیجا، جو پر انہوں نے جواب دیا کہ ’میری والدہ نے منع کیا ہے، اور کہا ہے کہ مجھے انتظار کرنا چاہیے، اس لیے میں فی الحال انتظار کررہی ہوں‘۔اب یہ دونوں اکھٹے ایک فلم میں کام کررہے ہیں اور اکثر فوٹوگرافرز ان دونوں کو اکھٹے گھومتے دیکھتے رہتے ہیں۔

تازہ ترین خبریں