03:43 pm
معروف کامیڈین ببو برال کی 20سالہ بیٹی پر شوہر کا مبینہ تشدد

معروف کامیڈین ببو برال کی 20سالہ بیٹی پر شوہر کا مبینہ تشدد

03:43 pm

لاہور(ویب ڈیسک)معروف اسٹیج اداکار ببو برال کی بیس سالہ بیٹی مریم برال پر شوہر کے مبینہ تشدد کا واقعہ سامنے آیا ہے۔مریم کے چہرے اور بازو پر تشدد کے نشانات بھی ہیں۔ مریم برال نے تھانہ اقبال ٹاؤن میں شوہر ساقی خان کے خلاف اندراج مقدمہ کیلئے درخواست جمع کروا دی ہے۔درخواست میں کہا گیا ہے کہ شوہر ساقی خان متعدد بار تشدد کا نشانہ بنا چکا ہے۔ تشدد کے باعث مریم اپنا نومولود بیٹا بھی گنوا بیٹھی ہے۔
مریم برال کا کہنا ہے کہ ساقی خان نجی ٹی وی چینل کے پروگرام میں کام کرتا ہے۔دوسری جانب مریم برال کے شوہر اور اسٹیج آرٹسٹ ساقی علی نے سب باتوں کو جھوٹ قرار دیتے ہوئے کہا کہ مریم اور اس کا خاندان پیسوں کے لئے لوگوں سے تعلقات بناتے ہیں حق مہر کے پانچ لاکھ بٹورنے کے لئے مریم اس قسم کے الزامات لگا رہی ہے ۔ ساقی علی نے مزید کہا ہے کہ مریم غلط لوگوں سے ملنے کے ساتھ ساتھ نشہ آور ادویات کا استعمال کرتی تھی ۔ واضح ہے کہ مریم برال نے تھانہ اقبال ٹاون میں ساقی علی کے خلاف درخواست دے دی ہے تاحال پولیس کی جانب سے ابھی تک اس مسئلے پرکوئی پیش رفت نہیں ہوئی ہے۔ پولیس کے مطابق انہیں ببو برال کی بیٹی مریم کی جانب سے درخواست موصول ہو گئی ہے جس پر قانون کے مطابق کارروائی عمل میں لائی جائے گی۔

تازہ ترین خبریں