کیون پیٹرسن پی ایس ایل فائنل کھیلنے پاکستان آئیں گے یا نہیں ؟ کرکٹر نے بالآخر حتمی اعلان کردیا
  13  فروری‬‮  2018     |      سپورٹس

لاہور (نیوز ڈیسک)پاکستان سپر لیگ کے تیسرے ایڈیشن کا آغاز 22 فروری سے ہو رہا ہے جس کے دو پلے آف لاہور کے قذافی سٹیڈیم میں اور فائنل میچ 25 مارچ کو نیشنل سٹیڈیم کراچی میں ہو گا تاہم غیر ملکی کھلاڑیوں کی پاکستان آمد تاحال سوالیہ نشان بنی ہے۔ ذرائع کے

مطابق پی ایس ایل کے دوسرے ایڈیشن کا فائنل کھیلنے والی ٹیم کوئٹہ گلیڈی ایٹرز کے مالک ندیم عمر نے انکشاف کیا ہے کہ اگر ان کی ٹیم اس سال پلے آف اور فائنل میں پہنچی تو کوئٹہ کو انگلینڈ کے معروف کرکٹر کیوین پیٹرسن کی خدمات نہیں ہوں گی تاہم اس کیساتھ ہی انہوں نے کیوین پیٹرسن کو پاکستان آمد پر قائل کرنے کے عزم کا اظہار بھی کیا ہے۔ ندیم عمر نے کہا کہ کیون پیٹرسن اس سال ہر طرح کی کرکٹ سے ریٹائر ہو رہے ہیں اور اس حوالے سے کافی مصروف ہیں لیکن وہ دوبئی میں کوئٹہ گلیڈی ایٹرز کا حصہ ہوں گے تاہم ان کی لاہور اور کراچی آمد کے امکانات کم ہیں۔ ان کا کہنا تھا کہ آسٹریلوی آل راؤنڈر شین واٹسن سمیت تمام غیر ملکی کھلاڑی پاکستان آئیں گے جبکہ کیوین پیٹرسن کو بھی پاکستان آمد سے متعلق قائل کرنے کی بھرپور کوشش کی جائے گی۔ واضح رہے کہ گزشتہ سال پی ایس ایل کے دوسرے ایڈیشن کا فائنل میچ لاہور میں کوئٹہ گلیڈی ایٹرز اور پشاور زلمی کے درمیان کھیلا گیا تھا جس میں پشاور زلمی فاتح قرار پائی تھی۔ اس میچ کیلئے پشاور زلمی میں شامل تمام غیر ملکی کھلاڑی تو پاکستان آئے تھے لیکن کوئٹہ گلیڈی ایٹرز میں شامل کیوین پیٹرسن سمیت کئی غیر ملکی کھلاڑی پاکستان نہیں آئے تھے


اس خبر کے بارے میں اپنی رائے دیجئے
پسند آئی
 
ٹھیک ہے
 
کوئی رائے نہیں
 
پسند ںہیں آئی
 


 سب سے زیادہ پڑھی جانے والی مقبول خبریں






آج کا مکمل اخبار پڑھیں

کار ٹونز

سپورٹس

کالم /بلاگ


     
     
تمام اشاعت کے جملہ حقوق بحق ادارہ روزنامہ اوصاف محفوظ ہیں۔
Copyright © 2016 Daily Ausaf. All Rights Reserved