08:58 am
 پاکستانی محنت کش کا بیٹا قومی ہیرو بن گیا ؟

پاکستانی محنت کش کا بیٹا قومی ہیرو بن گیا ؟

08:58 am

اسلام آباد(نیو ز ڈیسک)والد ٹائر پنکچر لگانے کاکام کرتے تھے پر مجھے کرکٹ کھیلنے کی اجازت دی ، کس طرح ایک پاکستانی محنت کش کا بیٹا قومی ہیرو بن گیا ؟ جان کر آپ بھی داد دیں گے ۔۔۔پاکستان سپرلیگ (پی ایس ایل) کی ٹیم کراچی کنگز میں شامل ٹائر پنکچر لگانے والے محنت کش کے ہونہار بیٹے عمر خان لاہور قلندرز کے قائم مقام کپتان اے بی ڈی وی لیئرز کو آوٹ کرکے راتوں رات اسٹار بن گئے اور وہ بہترین کارکردگی دکھا کر پاکستان ٹیم کا حصہ بننا چاہتے ہیں۔نجی ٹی وی چینل کو خصوصی انٹرویو میں انیس سالہ عمر خان نے بتایا کہ ان کا تعلق فاٹا سے لیکن وہ پنڈی میں رہتے ہیں۔ان کا کہنا تھا کہ آنکھ کھولی تو گھر میں شدید غربت دیکھی، والد کے علاوہ چچا حتیٰ کہ پورا خاندان ٹائر پنکچر یا مکینک کا کام کرتا ہوا نظر آیا
اور ان کے والد بھی ٹائر پنکچر کا کام کرکے گزربسرکرتے دکھائی دیے۔نوجوان کھلاڑی نے کہا کہ وہ اپنے والد کے بہت شکر گزار ہیں جنہوں نے ان کے کرکٹ کے شوق کو دیکھ کران کی بھرپور حوصلہ افزائی کی اور مشکل حالات میں بھی ان کے والد نے ہر ممکن مدد کی اور بیٹے کے شوق کو پورا کرنے کے لیے کئی قربانیاں بھی دیں۔پی ایس ایل میں لاہور قلندرز کے خلاف میچ میں اے بی ڈی وی لیئرز کو آؤٹ کرکے 19 سالہ عمر خان نے راتوں رات شہرت حاصل کی جس پر وہ بہت خوش ہیں۔عمر خان نے کہا وسیم اکرم اور دیگر کوچز نے انہیں اے بی ڈی وی لیئرز کو قابو کرنے کا ایک منصوبہ بنا کردیا تھا اور کہا تھا کہ ڈی ولیئرز اگر پیچھے ہٹ کر مارنے کی کوشش کریں تو آپ نے کھینچ کر گیند کو پاؤں کی جانب کرنا ہے اور انہوں نے ایسا ہی کیا۔ڈی ولیئرز کو آؤٹ کرنے کے حوالے سے ان کا کہنا تھا کہ جب وہ پیچھے ہٹے اور بڑا شاٹ مارنے کی کوشش کی تو میں نے تیز رفتاری سے ان کی ٹانگوں پر گیند کی منصوبے کے عین مطابق ڈی وی لیئرز نے باؤنڈری پر کھڑے فیلڈر کے ہاتھ میں کیچ دیا۔عمر خان نے کہا کہ پی ایس ایل ان سمیت بہت سے نوجوان کرکٹرز کے لیے زندگی بدلنے کا ایک ذریعہ ہے اس لیے ان کی پوری کوشش ہے کہ وہ کراچی کنگز کے لیے پی ایس ایل میں اچھی کارکردگی دکھائیں اور ایک دن پاکستان ٹیم میں بھی اپنی شمولیت کو یقینی بنائیں۔انہوں نے کہا کہ رنگنا ہیراتھ ان کے فیورٹ باؤلر اور کمارسنگاکارا ان کے پسندیدہ بلے باز ہیں اور وہ ان دونوں کھلاڑیوں سے متاثر ہو کر کرکٹ میں آگے بڑھے ہیں۔یاد رہے کہ پی ایس ایل کے مذکورہ میچ میں لاہور قلندرز نے کراچی کنگز کو شکست دے کر ایونٹ میں پہلی کامیابی حاصل کی تھی جبکہ کنگز فاتحانہ آغاز کے بعد دوسرےمیچ میں ہار گئے تھے۔نوجوان باؤلر عمر خان نے اے بی ڈی ولیئرز کو صرف 3 رنز بنانے کے بعد آؤٹ کیا تھا اس سے قبل سہیل اختر کی وکٹ بھی لے چکے تھے اور لاہور قلندرز کی ٹیم مقررہ اوورز میں صرف 138 رنز بنا سکی تھی۔لاہور قلندرز کے نوجوان حارث روف نے جواب میں شاندار کارکردگی دکھاتے ہوئے کراچی کنگز کے بلے بازوں کو مکمل ناکام بنایا اور میچ 22 رنز سے باآسانی جیتوا دیا۔

تازہ ترین خبریں