10:50 am
 پا کستان کے یہ دو کھلاڑی مستقبل کے ہیرو ہیں

پا کستان کے یہ دو کھلاڑی مستقبل کے ہیرو ہیں

10:50 am

دبئی (ویب ڈیسک) جنوبی افریقی کرکٹ ٹیم کے سابق کپتان گریم سمتھ نے پاکستان سپر لیگ کی تعریفوں کے پل باندھ دیئے ، کہتے ہیں کہ ایونٹ میں نوجوان کھلاڑیوں کو پرفارم کرتے دیکھنا شاندار تجربہ ہے۔پاکستان سپر لیگ (پی ایس ایل) کی ویب سائٹ کو انٹرویو میں جنوبی افریقاکے سابق کپتان گریم سمتھ کا کہنا تھا کہ اے بی ڈی ویلیئرز کی جانب سے پی ایس ایل میں شرکت اور پاکستان میں کھیلنے کا فیصلہ بڑا خوش آئند ہے،
اس اقدام سے پاکستان میں انٹرنیشنل کرکٹ کی بحالی میں مدد ملے گی، پاکستان کے نوجوان پلیئرز کو اے بی ڈی ویلیئرز سمیت دیگر سپر سٹارز کے ساتھ کھیلتے ہوئے بہت کچھ سیکھنے اور اپنی کارکردگی بہتر بنانے کا موقع ملے گا۔ گریم سمتھ نے کہا کہ جنوبی افریقہ میں پاکستان کرکٹ ٹیم ناکامیوں کے باوجود ڈٹ کر مقابلہ کرنے کے لئے کوشاں نظر آئی، خاص طور پر بابراعظم اور شاہین شاہ آفریدی نے بہت متاثر کیا، آنے والا وقت ان کیلئے بہت اچھا ہوگا،یہ پاکستانی کرکٹ کا مستقبل ہیں۔ پاکستان میں باؤلنگ ٹیلنٹ کی کبھی کمی نہیں رہی ہے اور پی ایس ایل میں بھی تمام باؤلرز اپنی مہارت کا بھرپور مظاہرہ کر رہے ہیں، امید ہے کہ اس ایونٹ سے پاکستان کرکٹ کی قوت میں مزید اضافہ ہوگا، مضبوط پاکستانی ٹیمیں انٹرنیشنل کرکٹ کے مستقبل کے لیے بھی خوش آئند ہیں۔ دوسری جانب بھارتی کرکٹ ٹیم کے مایہ ناز آف اسپنر ہر بھجن سنگھ نے بھارت سے رواں سال جون میں ہونے والے ورلڈ کپ میں پاکستان کا بائیکاٹ کرنے کا مطالبہ کردیا۔سابق بھارتی کرکٹر ہر بھجن سنگھ نےپلوامہ حملے کا ذمہ دار پاکستان کو ٹھہراتے ہوئے کہا کہ پاکستان سرحد پار دہشت گردی پھیلا رہا ہے۔ ہمارے جوانوں کا خون بہت قیمتی ہے ، ہم اسے ضائع ہونے نہیں دیں گے۔ انہوں نے اپنےدیش کے ساتھ یکجہتی کا اظہار کرتے ہوئے کہا کہ ہم ہر حال میں اپنے ملک کے ساتھ کھڑے رہیں گے،آج ہم اپنے سپاہیوں کی بدولت زندہ ہیں اسی لیےہم شہیدوں کے ساتھ ہیں۔

تازہ ترین خبریں