01:19 pm
’میں پی ایس ایل کا فائنل دیکھنے ضروراسٹیڈیم آؤں گا‘

’میں پی ایس ایل کا فائنل دیکھنے ضروراسٹیڈیم آؤں گا‘

01:19 pm

کراچی(مانیٹرنگ ڈیسک )پاکستانیوں کی ایسی سب سے قابل احترام شخصیت نے اعلان کردیا کہ پاکستانی میچ کے انتظار میں بیٹھ گئے ۔۔ صدر پاکستان ڈاکٹر عارف علوی نے پاکستان سپر لیگ سیزن فور کا فائنل دیکھنے کی خواہش کا اظہار کرتے ہوئے کہاہے کہ اگلا پی ایس ایل پاکستان میں ضرور ہوگا،غیر ملکی کھلاڑیوں کا مشکور ہوں کہ وہ ہماری دعوت پر یہاں آئے۔یہ بات انہوں نے ہفتہ کونیشنل اسٹیڈیم کراچی میں میڈیا سے گفتگو کرتے ہوئے کہی، اس موقع پر پاکستان کرکٹ بورڈ کے چیئر مین احسان مانی بھی موجود تھے۔ صدر پاکستان نے کہا
کہ پی ایس ایل فور کا فائنل میچ دیکھنے ضرور آئوں گا، میں بہت خوش ہوں اور بڑے شوق سے پی ایس ایل میچز دیکھنے آیا ہوں ۔ انہوں نے کہاکہ کرکٹ کا مجھے بہت شوق ہے، وزیر اعظم کہہ چکے ہیں کہ پی ایس ایل اگلے سال پاکستان میں ہوگا، انہوں نے اس امید کا اظہار کیا کہ اب اچھے حالات ہوں گے اور غیر ملکی کھلاڑی پاکستان بھی ضرور آئیں گے۔ انہوں نے کہا کہ غیر ملکی کھلاڑیوں کا مشکور ہوں کہ وہ ہماری دعوت پر یہاں آئے، کسی کھلاڑی نے اس سال پاکستان آنے سے انکار نہیں کیا۔ایک سوال کے جواب میںصدرمملکت عارف علوی نے کہا کہ کرائسٹ چرچ میں دہشت گردی کی شدید الفاظ میں مذمت کرتا ہوں، پاکستان دہشت گردی کے حالات سے گزر چکا ہے، پڑوسی ملک کو بھی کہتا ہوں کہ نفرت بڑھانا آسان اسے کم کرنا مشکل ہے۔

تازہ ترین خبریں