07:09 am
انگلینڈ کیخلاف دوسرا ون ڈے میچ آج مگر قومی ٹیم میں کن کھلاڑیوں کو شامل کیا جائے گا؟

انگلینڈ کیخلاف دوسرا ون ڈے میچ آج مگر قومی ٹیم میں کن کھلاڑیوں کو شامل کیا جائے گا؟

07:09 am

لاہور (نیوز ڈیسک ) پاکستان کرکٹ بورڈ (پی سی بی) کے ہیڈ کوچ مکی آرتھر انگلینڈ کیخلاف دوسرے ون ڈے انٹرنیشنل میں ٹیم سے بہتر کارکردگی کیلئے پرامید ہیں جن کا کہنا ہے کہ کنڈیشنز کو دیکھ کر ہی حتمی ٹیم کا اعلان کیا جائے گا۔ تفصیلات کے مطابق مکی آرتھر نے کہا کہ دوسرے ون ڈے میچ سے قبل محمد حفیظ نے بیٹنگ شروع کر دی ہے اور شعیب ملک نے بھی سکواڈ کو جوائن کر لیا ہے
جو بڑی خوش آئند بات ہے کیونکہ ہر پوزیشن کیلئے کھلاڑیوں کے درمیان مقابلہ ہے۔انہوں نے کہا کہ ورلڈکپ سے قبل انگلینڈ میں ڈیڑھ ماہ کا وقت اور میزبان ٹیم کیخلاف سیریز کنڈیشنز سے ہم آہنگی میں اہم کردار ادا کرے گی کیونکہ اس سے سکواڈ کے حوالے سے اہم فیصلے کرنے میں مدد ملے گی اور ہماری کوشش ہو گی کہ بیشتر کھلاڑیوں کو صلاحیتوں کے اظہار کا موقع مل جائے۔انہوں نے کہا کہ محمد عامر بھی ورلڈکپ سکواڈ میں اپنی جگہ بنا سکتے ہیں، نوجوان کرکٹرز پر مشتمل سکواڈ میں جوش اور جذبہ ہے اور اگر میگاایونٹ کے دوران اعتماد سے آگے بڑھے تو ٹائٹل جیت سکتے ہیں، چیمپئنز ٹرافی میں گرین شرٹس کی کارکردگی اس کی ایک مثال ہے۔

تازہ ترین خبریں