03:20 pm
 قومی ٹیم میں ان دو کھلاڑیوں کو لازمی شامل کرنا چاہئے

قومی ٹیم میں ان دو کھلاڑیوں کو لازمی شامل کرنا چاہئے

03:20 pm

لاہور(ویب ڈیسک) پاکستان کرکٹ ٹیم کے سابق کپتان شاہد آفریدی کا کہنا ہے کہ ورلڈ کپ میں سرفراز جتنا اوپر کے نمبر پر بیٹنگ کریں گے ٹیم کو اس سے فائدہ ہوگا۔ایک انٹر ویو کے دوران شاہد آفریدی نے کہا کہ سرفراز جارح مزاج اور مثبت کھلاڑی ہیں، امید ہے ورلڈ کپ میں ٹیم کو اچھی طرح لیڈ کریں گے اور اچھے نتائج دیں گے، بڑے ایونٹ میں پلیئرز کو محنت کرنا ہوگی کیوں کہ ون ڈے فارمیٹ میں قومی ٹیم کو ہمیشہ مشکل ہوئی ہے
جب کہ پاکستان ٹیم ٹیسٹ اور ٹی ٹونٹی میں اچھی رہی ہے۔آفریدی کا کہنا تھا کہ ٹیم میں صلاحیت ہے کہ وہ ٹاپ فور میں جگہ بناسکے گی اور سیمی فائنل کھیلے گی۔انہوں نے کہا کہ ٹیم کو ہر میچ میں یہ سوچ کر کھیلنا ہوگا کہ یہ آخری میچ ہے کیونکہ ہر میچ کو سنجیدہ لے کر کھیلنا لازمی ہے تاہم ٹیم کو جتنے تجربات کرنے ہیں انگلینڈ سے سیریز میں کرلئے جائیں۔شاہد آفریدی کا کہنا تھا کہ میں نے ہمیشہ وہاب ریاض اور عامر کی حمایت کی ہے انہیں ٹیم میں ہونا چاہیے۔واضح رہے کہ ورلڈ کپ 2019 ءکے باقاعدہ آغاز 30 مئی میزبان انگلینڈ اور جنوبی افریقہ کے درمیان میچ سے ہوگا اور 23 مئی تک پاکستانی ٹیم ورلڈ کپ کے 15 رکنی سکواڈ میں آئی سی سی کی منظوری کے بغیر رد و بدل کر سکتی ہے۔

تازہ ترین خبریں