انہیں آخری اوورز کا سپیشلسٹ بولر قرار دیا جاتا ہے۔جنوبی افریقا کے نوجوان فاسٹ باؤلر کگیسو ربادا نے سپیڈ اور سوئنگ کی وجہ سے فہرست میں جگہ بنائی ہے، حسن علی نے 2017 ءمیں انگلینڈ میں ہونے والی چیمپئنز ٹرافی میں 13 وکٹیں حاصل کیں اورپلیئر آف دی ٹورنا منٹ قرار پائے۔ مچل سٹارک اور ٹرینٹ بولٹ 2015 ءورلڈ کپ کے کامیاب ترین باؤلرز رہے ہیں، ماہرین کا کہنا ہے کہ ان فاسٹ باؤلرز کے لیے انگلینڈ اینڈ ویلز کی وکٹیں کڑا امتحان بھی ثابت ہوں گی۔ادھر آئی سی سی کرکٹ ورلڈکپ میں نو ٹیموں کے 14 سپنرز کی فہرست ترتیب دیدی گئی ،فہرست میں ویسٹ انڈیز کا کوئی سپنر نہیں ہے،فہرست میں سب سے زیادہ افغانستان کے سپنرز شامل ہیں،افغانستان کے راشد خان ،مجیب الرحمان، سمیع اللہ شنواری بیٹسمین کو مشکل میں ڈالیں گے،بھارت،جنوبی افریقہ اور سری لنکا کے دو دوسپنرز فہرست میں شامل ہیں جبکہ پاکستان ، آسٹریلیا ،بنگلا دیش،انگلینڈ اور نیوزی لینڈ کاایک ایک سپنرفہرست میں ہے،بیٹسمینوں کےلئے خطرہ بننے والے سپنرز کی فہرست میں شاداب خان بھی شامل ہے۔ واضح رہے کہ شاداب خان حال ہی میں ہیپاٹائٹس کے مرض سے صحت یاب ہوئے ہیں اور انہوں نے چند روز قبل ہی ٹیم کو انگلینڈ میں جوائن کیا ہے۔