05:22 pm
ورلڈ سکواڈ سے ڈراپ کیے جانےپرجنیدخان کاحیران کن درعمل سامنے آگیا

ورلڈ سکواڈ سے ڈراپ کیے جانےپرجنیدخان کاحیران کن درعمل سامنے آگیا

05:22 pm

لاہور(ویب ڈیسک)قومی کرکٹ ٹیم کے فاسٹ بولر جنید خان کا ورلڈ کپ اسکواڈ سے ڈراپ کیے جانے پر ردعمل سامنے آگیا۔تفصیلات کے مطابق قومی کرکٹ ٹیم کے فاسٹ بولر جنید خان نے ورلڈ کپ سے ڈراپ کیے جانے پر سماجی رابطے کی ویب سائٹ ٹویٹر پر ردعمل دیا ہے، جنید خان نے ٹویٹر پر تصویر شیئر کی ہے جس میں ان کے منہ پر ٹیپ لگا ہوا ہے۔جنید خان نے اپنے ٹویٹ میں لکھا کہ ’میں کچھ کہنا نہیں چاہتا،
سچ کڑوا ہوتا ہے۔‘فاسٹ بولر جنید خان کو ورلڈ کپ سے ڈراپ کیے جانے پر مداحوں نے افسوس کا اظہار کیا ہے۔واضح رہے کہ انگلینڈ کے خلاف سیریز میں مایوس کن کارکردگی کی وجہ سے جنید خان کو ورلڈ کپ کے حتمی اسکواڈ سے باہر کردیا گیا تھا، جنید خان نے سیریزمیں صرف دو وکٹیں حاصل کی تھیں۔تجزیہ کاروں کا کہنا ہے کہ فاسٹ بولر جنید خان کو فٹنس مسائل کے سبب ٹیم سے ڈراپ کیا گیا ہے۔یاد رہے کہ آج چیف سلیکٹر انضمام الحق نے ورلڈ کپ کے لیے 15 رکنی اسکواڈ کا اعلان کیا تھا۔ورلڈ کپ کے لیے اعلان کردہ 15 رکنی اسکواڈ میں 2017 سے قومی ٹیم سے باہر رہنے والے وہاب ریاض کو شامل کیا گیا ہے جبکہ انگلینڈ کے خلاف سیریز میں کارکردگی نہ دکھانے پر فہیم اشرف کو بھی ڈراپ کیا گیا ہے۔قومی کرکٹ ٹیم کے 15 رکنی اسکواڈ میں فخر زمان، امام الحق، محمد حفیظ، بابر اعظم، سرفراز احمد، حارث سہیل، شعیب ملک، عماد وسیم، آصف علی، وہاب ریاض، محمد عامر، شاداب خان، حسن علی، شاہین شاہ آفریدی اور محمد حسنین شامل ہیں۔

تازہ ترین خبریں