06:55 am
سرفراز احمد نے ورلڈ کپ میں قومی ٹیم کی قیادت کو اعزاز قرار دیدیا

سرفراز احمد نے ورلڈ کپ میں قومی ٹیم کی قیادت کو اعزاز قرار دیدیا

06:55 am

اسلام آباد(نیو زڈیسک) پاکستان کرکٹ ٹیم کے کپتان سرفراز احمد نے ورلڈ کپ میں قومی ٹیم کی قیادت کو اعزاز قرار دیدیا، کہتے ہیں ٹیم پاکستان ورلڈ کپ جیتنے کی صلاحیت رکھتی ہے، وہاب ریاض اور محمد عامر کی شمولیت سے ٹیم کا فائدہ ہوگا۔لندن میں آئی سی سی ورلڈ کپ
میں شریک تمام کپتانوں کی پریس کانفرنس ہوئی۔ پریس کانفرنس کے دوران سرفراز احمد سے ایک صحافی نے سوال کیا کہ کیا آپ بھی ورلڈ کپ جیت کر عمران خان کی طرح وزیراعظم بننا چاہیں گے۔ جس پر کپتان سرفراز نے جواب دیتے ہوئے کہا کہ ورلڈ کپ میں قومی ٹیم کی قیادت اعزاز سے کم نہیں اور خواہش ہے کہ ہماری ٹیم 1992 کی تاریخ دہرائے لیکن عمران خان کی طرح مستقبل میں کیا میں بھی وزیراعظم بنوں گا اس کے بارے میں مجھے نہیں پتہ۔ٹیم میں وہاب ریاض اور محمد عامر کی شمولیت کے سوال پر سرفراز احمد نے کہا کہ وہاب ریاض کی رفتار سے ہم فائدہ اٹھانا چاہیں گے جبکہ عامر کی شمولیت سے یقینا باؤلنگ اٹیک کو تقویت ملے گی۔اپنی کارکردگی اور بیٹنگ آرڈر کے بارے میں سوال پر سرفراز احمد کا کہنا تھا کہ ان کا نمبر پانچواں ہے، ہاں صورت حال کے مطابق اس میں اتار چڑھاؤ آسکتا ہے۔

تازہ ترین خبریں