تو اسے پورے ایونٹ کے دوران ان کی رہائش، کھانے پینے سمیت تمام تر انتظامات خود کرنے ہوں گے۔مشہور کرکٹ ویب سائٹ کرک انفو کے مطابق اس فیصلے کا مقصد کھلاڑیوں کی توجہ مکمل طور پر کھیل پر مرکوز رکھنا ہے تاکہ اہلخانہ کی وجہ سے ان کا کھیل متاثر نہ ہو۔تاہم حارث سہیل وہ واحد کرکٹر ہیں جنہیں ذاتی وجوہات کے سبب اپنے اہلخانہ کو ساتھ رکھنے اجازت دی گئی ہے۔بورڈ نے انگلینڈ کے خلاف سیریز کے دوران کھلاڑیوں کو ان کی بیوی اور اہلخانہ کو ساتھ رکھنے کی اجازت دی تھی لیکن ٹیم منیجر نے عالمی کپ سے قبل کھلاڑیوں کو اس نئی پالیسی سے آگاہ کردیا ہے۔پاکستان ٹیم ورلڈ کپ کی تیاریوں کا باقاعدہ آغاز آج سے کر رہی ہے جہاں آج وہ برسٹل میں افغانستان سے وارم اپ میچ میں نبرد آزما ہوگی جبکہ بنگلہ دیش کے خلاف دوسرا اور آخری وارم اپ میچ 26 مئی کو کارڈف میں ہوگا۔قومی ٹیم ورلڈکپ میں 31 مئی کو ویسٹ انڈیز کے خلاف ٹرینٹ برج میں اپنا پہلا میچ کھیلے گی جبکہ دوسرا میچ 3 جون کو میزبان انگلینڈ کے خلاف ٹرینٹ برج میں ہی ہوگا۔پاکستان کا تیسرا میچ 7 جون کو سری لنکا کے خلاف برسٹل میں جبکہ چوتھا میچ 12جون کو آسٹریلیا کے خلاف ٹانٹن میں ہوگا۔ایونٹ کے اہم ترین میچ میں 16جون کو پاکستان اور بھارت مدمقابل ہوں گے اور یہ میچ مانچسٹر کے اولڈ ٹرفرڈ میں کھیلا جائے گا۔قومی ٹیم کا چھٹا میچ 23 جون کو جنوبی افریقہ کے خلاف لارڈز کے تاریخی میدان پر ہوگا اور ساتواں میچ نیوزی لینڈ کے خلاف 26 جون کو ایجبسٹن میں منعقد ہوگا۔پاکستان کا آٹھواں میچ 29 جون کو افغانستان جبکہ نواں میچ 5 جولائی کو بنگلہ دیش کے خلاف لارڈز میں ہوگا۔