08:29 am
کینسر کو ہرانے والے یوراج سنگھ نے کرکٹ کو خیر باد کہہ دیا

کینسر کو ہرانے والے یوراج سنگھ نے کرکٹ کو خیر باد کہہ دیا

08:29 am

اسلام آباد(نیو زڈیسک) بھارتی کرکٹ ٹیم کے آل رائونڈر اور کینسر کو ہرانے والے یوراج سنگھ نے عالمی کرکٹ کو خیر باد کہہ دیا۔ 2011ء کے ہیرو بیٹسمین نے 40 ٹیسٹ، 304 ون ڈے اور 58 ٹی ٹوئنٹی میچز میں اپنی ٹیم کی نمائندگی کی۔اپنے ٹیسٹ کیرئیر میں انہوں نے 3 سنچریاں اور 11 نصف سنچریوں کی بدولت 1900 رنز بنائے۔ 304 ایک روزہ میچز میں 36 کی اوسط سے 14 سنچریوں اور 52 نصف سنچریوں کی مدد سے 8 ہزار 701 رنز بنائے جبکہ ٹی ٹوئنٹی کیرئیر میں انہوں نے 8 نصف سنچریوں کی بدولت ایک ہزار 177 رنز بنائے۔ انہیں ٹی ٹونٹی میں ایک اوورز کے دوران چھ چھکے لگانے کا
اعزاز بھی حاصل ہے۔2000ء میں 18 برس کی عمر میں کیرئیر کا آغاز کرنے والے بیٹسمین مڈل آرڈر میں بھارتی پلینگ الیون میں ریڑھ کی حیثیت رکھتے تھے، 2011 کے کرکٹ ورلڈکپ میں انہوں نے ایک سنچری، 4 نصف سنچریاں اور 15 وکٹیں حاصل کیں تھیں۔ورلڈ کپ 2011 کے بعد یوراج سنگھ میں کینسر کے مرض کی تشخیض ہوئی جس کے بعد انہیں کچھ عرصے کے لیے کرکٹ سے دور ہونا پڑا تاہم دوبارہ صحت یاب ہونے کے بعد ایک مرتبہ پھر ٹیم میں شامل ہوئے وقفے وقفے سے ٹیم سے ان آئوٹ ہوتے رہے تاہم انہوں نے اب کرکٹ کو خیر باد کہہ دیا ہے۔

تازہ ترین خبریں