01:22 pm
آسٹریلیاکاجیت کے لیے پاکستان کو308رنز کاہدف

آسٹریلیاکاجیت کے لیے پاکستان کو308رنز کاہدف

01:22 pm

ٹاؤنٹن (ویب ڈیسک )آسٹریلوی ٹیم نے پاکستان کوجیت کے لیے 308رنز کاہدف دیاہے ،آسٹریلوی ٹیم 49اوورز میں 307رنز بناکرآئوٹ ہوگئی۔کرکٹ ورلڈکپ کے اہم میچ میں پاکستان نے آسٹریلیا کے خلاف ٹاس جیت کر فیلڈنگ کا فیصلہ کیا ہے۔ٹاؤنٹن میں کھیلے جارہے میچ میں پاکستان نے آسٹریلیا کے خلاف ٹاس جیت کر پہلے فیلڈنگ کا فیصلہ کیا ہے، آسٹریلیا کی جانب سے اننگز کا آغاز ایرون فنچ اور ڈیوڈ وارنر نے کیا ہے۔
دونوں اوپنرز نے اننگز کا آغاز پر اعتماد انداز میں کیا ہے اور 15 اوورز میں 86 رنز بنالیے ہیں۔قومی ٹیم میں ایک تبدیلی کی گئی ہے، اسپنر شاداب خان کی جگہ فاسٹ بولر شاہین آفریدی کو ٹیم میں شامل کیا گیا ہے۔ قومی کرکٹ ٹیم کے کپتان سرفراز احمد کا کہنا ہے کہ پچ پر گراس کی وجہ سے بولنگ کا فیصلہ کیا، آسٹریلوی کپتان ایرون فنچ نے کہا کہ ٹاس جیت جاتے تو بولنگ کا فیصلہ ہی کرتے۔دوسری جانب پاکستانی ٹیم آج کا میچ امپائر ریاض الدین اور کرکٹر اختر سرفراز کے سوگ میں سیاہ پٹیاں باندھ کر کھیلے گی۔ٹاؤنٹن میں کھیلے جارہے میچ میں محکمہ موسمیات کی جانب سے ایک بار پھر بارش کی پیش گوئی کی گئی ہے، اب تک ایونٹ میں 3 میچز بارش کی وجہ سے منسوخ ہوچکے ہیں جس میں سے ایک میچ پاکستان اور سری لنکا کے درمیان کھیلا جانا تھا۔دونوں ٹیموں نے اب تک ٹورنامنٹ میں 3،3 میچز کھیلے ہیں، پاکستان کو پہلے میچ میں ویسٹ انڈیز کے ہاتھوں شکست کا سامنا کرنا پڑا تھا تاہم انگلینڈ سے مقابلے میں قومی ٹیم نے شاندار کارکردگی کا مظاہرہ کیا اور انگلینڈ کو شکست دی جب کہ سری لنکا سے میچ بارش کی وجہ سے منسوخ کردیا گیا تھا۔آسٹریلیا نے پہلے میچ میں افغانستان اور دوسرے میچ میں ویسٹ انڈیز کو شکست دی تھی تاہم تیسرے میچ میں بھارت کے ہاتھوں کینگروز کو شکست کا سامنا کرنا پڑا تھا۔

تازہ ترین خبریں